سەرنووچە:

نووترین هەلویستێ ترەمپ دەربارەی سەپاندنا سزایان بسەر تورکیا دا

فۆتۆ: 
2019-07-19

1073 جار خوێندراوەتەوە

سەرۆکێ ئەمریکا ڕاگەهاند، ولاتێ وی د نها دا د بزاڤا سەپاندنا سزایان بسەر تورکیا دا نینە.

دۆنالد ترەمپ ل نڤیسینگەها خۆ نرخاندن بۆ پرسا کڕینا سیستەمێ بەڕەڤانیا مووشەکی یا ئێس ٤٠٠ ژ ئالیێ تورکیا ڤە کریە.

د بەرسڤا پرسیارەکێ دا ئەرێ دێ سزایان بسەر تورکیا دا سەپینن؟، سەروکێ ئەمریکا گوت، "نەخێر د نها دا ئەم د ڤێ بزاڤێ دا نینە" .

ئەڤ داخویانیا ترەمپ پشتى وێ یەکێ دهێت کو دوو رۆژان بەرى نها بەحسا هندێ کربوو، ژ بەرکو تورکیا دبیتە خودانا مووشەکا ئێس ٤٠٠ یا رووسى، ئەمریکا نەچارە فرۆتنا بالەفرێن شەڕ یێن ژ جورێ ئێف ٣٥ ب تورکیا رەت بکەت .

پشتڕا وەزارەتا دەرڤە یا تورکیا راگەهاند، "بریارا دورخستنێ ژ پرۆگرامێ بالەفرا ئێف ٣٥، دبیتە ئەگەرێ دروستبوونا برینەکێ لسەر پەیوەندیێن وان و چ جاران ناهێتە دەرمانکرن".

س.م