سەرنووچە:

میدیایێن تورکیا هوورکاریێن بوویەرا دوهی یا هەولێرێ ئاشکرا دکەن

دیبلۆماتکارەکێ تورکیا هاتە کوشتن
فۆتۆ: 
2019-07-18

6226 جار خوێندراوەتەوە

میدیایێن تورکیا هوورکارێن چەوانیا کوشتنا دیبلۆماتکارێ کونسولخانەیا وەلاتێ خۆ ل هەولێرێ ئاشکرا دکەن.

جهێ بوویەرێ:

ئەو ڕێستورانتا دوهی کو دیبلۆماتکارێ تورکیا تێدا هاتە کوشتن دکەڤیتە ناڤ پڕۆژەیێ ئیمپاریەرێ کو دکەڤیتە ناڤبەرا جاددەیا سەد مەتری و چل مەتری پڕۆژەیێ باژاڕێ خەونان ژی ب ڕەخڤەیە و ژ ئالیەکێ دی هۆلا سەعد عەبدولا و هوتێل دیڤانە و تنێ دوو کیلۆمەتر و نیڤ ژ ئاڤاهیا جڤاتا وەزیران و پەڕلەمانی دورە د ئێمناهیترین و پاراستیترین دەڤەرا هەولێرا پایتەختێ بوویە.

هێرشکەران چاڤدێریا جهێ وان کریە:

لگۆڕی میدیایێن تورکیا بەریا بوویەرا هەولێرێ ئەو کەسێن هێرش کرنە چاڤدێریا جهی کریە و پشتی وێ یەکێ کو دیبلۆماتکارێ تورکیا ترۆمبێلا خۆ دەبتە گەڕاجی دیفدا دچیتە ژورێ و هێرشکەر تڕۆمبیلا خۆ ل هەمان جهێ ترۆمبیلا وی ڕادگرن.

چەندا کەسان هێرش پێکئینایە؟

لگۆڕی میدیایێن تورکیا کو تەماشەیا کامیرەیا چاڤدێریا ڕێستورانتێ کریە، سێ کەسان هێرش ئەنجامدایە و پێن خولەکان بەریا چوونە ژورا دێبلۆماتکارێ تورکیا چووینە هەمان جهـ و دوو ژوان چووینە ژوورێ و یەک ژ وانا د ناڤ ترۆمبێلێ دا چاڤەڕێ کریە.

وان دوو کەسێن چوونە ژورڤە چاوا دیپلۆماتکار کوشت؟

لگۆر کامیرێن چاڤدێریێ ، پشتى چوونە ژۆرفە ئەو دوو چەکدار ل مێزا دیپلۆماتکاران نێزیک دبن و راستەۆخۆ تەقە لێ کریە.

د هێرشێ دا چ جورە چەکەک هاتیە بکار ئینان؟

وەکى ل کامیرێن چاڤدێریێ دەرکەفتى و میدیایێن تورکیا ئاماژێ پێ دکەن ، هەردوو چەکداران دەمانجەیێن بێ دەنگ ڤێبوونە و راستەوخۆ پشتى هێرشێ رەڤیاینە.

چارەنڤیسێ وان دوو کەسێن تەقە کرین:

پشتى کو تەقێ ل دیپلۆماتکارى دهێتە کرن و درەڤن یەک ژ تەقەکەران ژ ئالیێ زێرەڤانەکێ تایبەت ، تەقە لێ دهێتە کرن و دهێتە بریندار کرن و ب بریندارى درەڤیت و خۆ دگەهینیتە ترۆمبێلێ و پێکڤە ل جهێ بوویەرێ درەڤن.

ئەو دیپلۆماتکارێ دوهى ل هەولێرێ هاتیە کوشتن کییە؟

ئەو کارمەندێ کۆنسۆلخانەیا تورکیا کو ل بوویەرا دوهى یا هەولێرێ هاتە کوشتن ناڤێ وى عوسمان کۆسەیە و تەمەنێ وى ٣٦ سال بوونە و و خێزاندار بوویە و ل باژارێ مێرسین یا تورکیا ژ دایک بوویە، و دگەل خێزانا خۆ ل ئەنکەرەیێ ژیاینە و بابێ دوو زارۆکان بوویە.

ئەو دوو کەسێن دى یێن د بوویەرێ دا هاتینە کوشتن:

د بوویەرێ دا دوو کەسێن دى یێن روونشتڤانێن هەرێما کوردستانێ ب ناڤێن نەریمان عوسمان و بەشدار رەمەزان ب سەدەما نێزیکبوونا وان ژ مێزا دیپلۆماتکارێ تورکیا هاتنە کوشتن.

نەریمان عوسمان رونشتڤانێ گوندێ بێشووکی جوندیان یا سەر رەواندوزێ یە و زێرەڤانێ تایبەت یێ ئازاد جوندیانێ بوویە.

Image may contain: 1 person, pool, sky and outdoor

هەڤدەم بەشدار رەمەزان کو ب سەدەما دژواریا برینداریا وى گیانێ خۆ ژ دەست دا و روونشتڤانێ ناحیا دیانە یا قەزا سورانە

س.ع