سەرنووچە:

ئێن ئاڕ تى ناسنامەیا یەک ژ وان کەسێن هاتیە کوشتن د بوویەرا هەولێرێ دا بەلاڤ دکەت

فۆتۆ: 
2019-07-17

1586 جار خوێندراوەتەوە

یەک ژ وان کەسێن د بوویەرا ئەڤرۆ یا باژارێ هەولێرێ دا هاتیە کوشتن بناڤێ ( نەریمان عوسمان)ە و بابێ سێ زارۆکانە و پسمام و زێرەڤانێ یەک ژ بەرپرسێن هەرێمێ.

ژێدەرەک ژ مالباتا ئازاد جوندیانى بۆ دیجیتال میدیایا ئێن ئار تى راگەهاند، د بوویەرا ئەڤرۆ دا نەریمان عوسمان بۆ کارێ تایبەت هاتیە هەولێر و د دەما تەقەکرنێ دا ل کارمەندێن کۆنسۆلخانەیا تورکیا ب سەدەما نێزیکیێ ل مێزا نان خوارنا وان د هێرشێدا هاتە کوشتن.

زەلال ژى کر، ناڤبرى ل گوندێ بێشووکی جوندیان سەر ب رەواندوزێ ڤە ئاکنجیە و ئەڤرۆ بۆ کارەکێ تایبەت سەردانا هەولێر کریە و نەریمان عوسمان پسمام و زێرەڤانێ تایبەت یێ ئازاد جوندیانى بوویە.

ئەڤە د دەمەکێ دایە پشتى نیڤرۆیا ئەڤرۆ تەقە ل رێستۆرانتەکا هەولێرێ هاتە کرن کو کارمەندێن کۆنسۆلخانەیا تورکیا تێدابوون، ئاسایشا هەولێرێ ژىراگەهاند ، ب سەدەما بوویەرێ کارمەندەکێ کۆنسلخانەیێ و وەلاتیەک هاتە کوشتن و یەکێ دى ژى بریندار بوو.

Image may contain: 1 person, standing, shoes, outdoor and nature

Image may contain: 1 person, pool, sky and outdoor