سەرنووچە:

حکومەتا هەرێم: بوویەرا ل هەولێرێ شەرمزار دکەین

فۆتۆ: 
2019-07-17

286 جار خوێندراوەتەوە

حکومەتا هەرێمێ بوویەرا هەولێرێ شەرمزار کر و راگەهاند،" ئالیێن پەیوەندیدار مژوولى ڤەکۆلینێ نە و لدیڤداچوونا جددى بۆ دیتنا ئەنجامدەران و ب سزاگەهاندنا یاسایا وان کەسان".

حکومەتا هەرێمێ راگەهاندنەک بەلاڤکر و دیار کر،  ب دژوارى وێ تاوانکاریێ شەرمزار دکەین کو نیڤرۆیا ئەڤرۆ ل یەک ژ رێستۆرانتێن هەولێرێ روودایە و د ئەنجام دا کارمەندەکێ کۆنسۆلخانەیا تورکیا و وەلاتیەکێ گیانێ خۆ ژ دەست دا و وەلاتیەکێ دى ژى بریندار بوویە.

هەروەسا دازانین، سەرخۆشیێ ل کەسوکارێن قوربانیان دکەین و هەفخەمین ، هەروەسا هەمى ئالیەکێ پشتراست دکەین کو ئالیێن پەیوەندیدار یێن هەرێما کوردستانێ مژوولى ڤەکۆلینێ نە و لدیڤداچوونا جدى بۆ دیتنا ئەنجامدەران و ب سزاگەهاندنا یاسایى ، ب چ ئاوایەکێ ژى رێ ناهێتە دان ئارامى و سەقامگیریا هەرێما کوردستانێ بهێتە تێکدان .

ئەڤە د دەمەکێ دایە پشتى نیڤرۆیا ئەڤرۆ تەقە ل رێستۆرانتەکا هەولێرێ هاتە کرن کو کارمەندێن کۆنسۆلخانەیا تورکیا تێدابوون، ئاسایشا هەولێرێ ژىراگەهاند ، ب سەدەما بوویەرێ کارمەندەکێ کۆنسلخانەیێ و وەلاتیەک هاتە کوشتن و یەکێ دى ژى بریندار بوو.