سەرنووچە:

داخویانیا ئەردۆغان لسەر هێرشا هەولێرێ

فۆتۆ: 
2019-07-17

90 جار خوێندراوەتەوە

سەرۆک کۆمارێ تورکیا ئیدانەیا هێرشا ئەڤرۆ کر و راگەهاند، دێ د پەیوەندیان دابن بۆ دیتنا هێرشبەران.

رەجەب تەیب ئەردۆغان د تۆرا جڤاکیا تویتەرێ دا ئاماژە کر، دگەل بەرپرسێن هەرێم و عێراقێ د پەیوەندیێن بەردەوام داینە بۆ دیتنا هێرشکەرێن بوویەرێ.

پشتى هێرشێ ئیبڕاهیم کاڵن د تۆرا جڤاکیا تویتەرێ ئاماژە کریە، ڤەکۆلین لسەر بوویەرێ و دیتنا تەقەکەران دەستپێکریە و دێ بەرسڤا پێتڤى یا وان کەسان دەن کو تەقە کرینە.

ژ ئالیەکێ دی ڤە وەزارەتا دەرڤە یا تورکیایێ د راگەهاندنەکێ دا بەحسا وێ یەکێ کریە، دگەل کاربدەستێن هەرێم و بەغدا لسەر خەتن بۆ دیتنا ئەنجامدەرێن هێرشێ.

 د راگەهاندنێ دا دایە زانین، " ئەم د دەمەکێ دا ڤێ بوویەرێ ب دژوارترین ئاوا شەرمزار دکەین و هەڤخەمیا خو دگەل کەسوکارێن قوربانیان دەردبرین".

زەلال ژى کر، " وەلاتیێن هەولێرێ ب تایبەت دبلۆماتکاران پشتراست دکحەین کو رێکێ نادەین رەوش و ئاسایشا هەرێما کوردستانێ بهێتە تێکدان، ڤەکۆلینا بوویەرێ دەستپێکریە و دێ تاوانباران گەهینە سزایێ خۆ".

ئەڤرۆ د ڕێستورانتەکا هەولێرێ دا تەقە ل هژمارەکا کارمەندێن کونسولخانەیا تورکیا هاتە کرن و میدایێن تورکیا ژی بەلاڤکرنە، د هێرشێ دا جێگرێ کونسولێ تورکیا و دوو دبلۆماتکارێن کونسولخانەیێ هاتینە کوشتن.

م.س