سەرنووچە:

داخویانیا عادل عەبدولمەهدی دەربارەی سەرەدانا مەسرور بارزانی

پەیوەندیێن ناڤبەرا هەولێرێ و بەغدا
فۆتۆ: 
2019-07-17

105 جار خوێندراوەتەوە

سەرۆک وەزیرێ عێراقێ ڕاگەهاند، دگەل سەرۆک وەزیرێ هەرێمێ ڕێکەفتینە لسەر ئاریشەیێن ناڤبەرا بەغدا و هەولێرێ لگۆڕەی دەستورێ ب جانەکێ عێراقیانە چارەسەربکەن.

عادل عەبدولمەهدی سەرۆک وەزیرێ عێراقێ د داخویانیەکا ڕۆژنامەڤانیا حەفتیێ دا بەحسا سەرەدانا مەسرور بارزانی بۆ بەغدا کرو ڕاگەهاند،" ئەڤرۆ من پێشوازی ژ بڕێز مەسرور بارزانی و شاندا پێرا کر و مە ب ڕاشکاوی بەحسا چەندین ئاریشەیێن هەلاویستی کر، هەردوو ئالیان ژی ب تەمامی هەڤدەنگ بووین لسەر بەردەوامی و لهەڤهاتنێ و چارەسەرکرنا ئاریشەیێن کو لهەمبەری مەنە، بۆ وێ یەکێ ژی باوەری و حەزەکا باش ژ ئالیێ مەسرور بارزانی دهاتە دیتن"

دازانین ژی،" مە د جڤینێ دا تەکەز لسەر خواستا هەڤپشکا هەردوو ئالیان کر و بەحسا وان مژاران ب جانەکێ عێراقی و نیشتیمانی تەمام کر، کو دەستورێ بکەینە بنەما بۆ چارەسەرکرنا ئاریشەیان کو ڕێکەکا تەمام و ڕاستە، هەردوو لایەن ژی هەڤدەنگ بووین."

بەحسا وێ یەکێ ژی کر،" دەستور بنەمایەکا سەرەکی یە بۆ چارەسەرکرنا ئاریشەیان و پێدڤیە هێزێن عیراقێ ژی بۆ چارەسەرکرنا ئاریشەیان بۆ دەستورێ ڤەگەڕن."

ڕۆژا ١٦ێ تیرمەهێ شاندەکا حکومەتا هەرێمێ ب سەرۆکایەتیا مەسرور بارزانی سەرەدانا بەغدا کر و دگەل هەرسێ سەرۆکایەتیێن عێراقێ جڤیان، سەرۆکێ حکومەتا هەرێمێ ژی د ڕاگەهاندنەکێ بەحسا وێ یەکێ کر، د سەرەدانا خۆ دا بۆ بەغدایێ لسەر دروستکرنا چەند لیژنەیەکێن تەکنیکی بۆ دەستنیشانکرنا ئاریشەیان ڕێکەفتینە.

س.ع