سەرنووچە:

مەسرور بارزانى: کارێ من یێ دەستپێکى باشترکرنا پەیوەندیانە دگەل بەغدا نەکو سەربەخۆیێ

فۆتۆ: 
2019-07-11

372 جار خوێندراوەتەوە

مەسرور بارزانى ڕایگەهاند، کارێ دەستپێکی دێ باشکرنا پەیوەندیێن هەرێم و بەغدا بیت نەکو سەربەخۆیى.

مەسرور بارزانى سەرۆکێ حکومەتا هەرێمێ د داخویانیەکێ دا بۆ ڕۆیتەرز ڕاگەهاند، کارێ سەرەکى یێ کابینەیا وى دێ ئاڤاکرنا پەیوەندیێن بهێز و دروستکەر دگەل بەغدا بیت.

هەروەسا راگەهاند ژى، راپرسى بۆ سەربەخۆیا هەرێما کوردستانێ کو هاتبوو کرن  کارڤەدانا بوویەرێن دەڤەرێ بوو.

دەربارێ پرسا نەفتا هەرێمێ ژى مەسرور بارزانى ڕاگەهاند، گۆتوبێژا تایبەت لسەر مژارا نەفت و غازێ یا بەردەوامە ، وەها دبینیت دەرفەت لهەمبەرە کە پێشکەفتنێن بلەز پەیدابن.

گوت ژى، دێ دگەل بەغدایێ کارێن هەڤبەش کەن و ب هاریکارا هەڤدوو بەرهەمئینانا نەفتێ زێدە کەن

لسەر پێشنیارا مەسعود بارزانى سەرۆکێ پارتى ل ئیلۆنا ٢٠١٧ێ ریفراندۆم ل هەرێما کوردستانێ هاتە کرن ، پشترا کارڤەدانێن ناڤخۆ و دەرڤە لدیڤ خۆ ئینان و حکومەتا عێراقێ و وەلاتێن جیران کومەکا سزایان بسەر کوردستانێ سەپاندن.