سەرنووچە:

سەرۆکا فراکسیۆنا نەوەى نوی ل بەغدا بەحسا بودجەیێ هەرێمێ دکەت

فۆتۆ: 
2019-07-09

351 جار خوێندراوەتەوە

سەرۆکا فراکسیۆنا نەوەى نوی ل پەرلەمانێ عێراقێ ڕاگەهاند، پێشنیارەک پێشکێشی سەرۆکاتیا پەرلەمانێ عێراقێ کریە و  ئەگەر هەرێم ڕۆژانە ٢٥٠ هزار بەرمیلێن نەفتێ ڕادەستى بەغدا نەکەت، وى دەمی ١٠ ترلیۆن دیناران دێ ژ پشکا هەرێمێ هێتە بڕین.

یبوسرا ڕەجەب سەرۆکا فراکسیۆنا نەوەى نوێ ل پەرلەمانێ عێراقێ د جڤینا ئەڤرۆ یا پەرلەمانى دا دیار کر، " دەربارەى بابەتێ ڕادەستکرنا ڕۆژانە یا ٢٥٠ هزار بەرمیلێن نەفتێ ژ ئالیێ حکومەتا هەرێما کوردستانێ، کو ئەو پشکەکە ژ برگا یاسایی یا بودجەی یا سالا ٢٠١٩ێ، هەر دەستپێکێ مە داوى ب وى بابەتى ئینایە.

بەحس ژى کر، " ئەم نینەرێن مللەتى نە و مە سیندخواریە کو ب دلسوزى دگەل مللەتێ خۆ دا بین، بتایبەتى گەلێ کورد، ژبەر وێ چەندێ داخوزازێ ژ حکومەتا هەرێما کوردستانێ دکەین ڕۆژانە ٢٥٠ هزار بەرمیلێن نەفتێ ڕادەستى بەغدایی بکەت".

سەرۆکا فراکسیۆنا نەوەی نوێ ئاشکراکر ژی، "لگۆری پێشنیارەکێ کو پێشتر پێشکێشی سەرۆکاتیا پەرلەمانی کرنە، ئەگەر حکومەتا هەرێمێ وێ برا نەفتێ نەهنێریت، وی دەمی دێ ژ پشکا بودجەیێ وێ هێتە بڕین، کو کۆژمێ وێ ١٠ تڕلیۆن دینارن، د وی حالەتی ژی دا دێ زولم ل گەلێ کورد هێتە کرن،  ژبەر کو داهاتێ نەفت و پرۆسەیا فرۆتنا نەفتێ نەیا زەلالە".

ئەو یەک ژی دیارکر، "ژبەر وێ داخوازا جیبجیکرنا وێ برگەیا یاسایا بودجەی دکەم وەک خۆ، هەروەسا داخازا ڕادەستکرنا ڕۆژانە یا ٢٥٠ هزار بەرمیلێن نەفتێ ژی ژ ئالیێ حکومەتا هەرێمێ دکەم، ژبۆ کو قوتا گەلێ کورد نەهێتە بڕین".

د دەمێن دەربازبوویی دا بەرپرسێن حکومەتا هەرێمێ بەحسا وێ یەکێ دکرن، کو پێدڤیە دەرفەتا گۆتۆبێژان دگەل بەغدا ژ دەست نەدەن، ژبەر کو د ڤێ کابینەیێ دا دەرفەت هاتیە دان ئاریشە ب گۆتۆبێژان بهێنە چارەسەرکرن،  دگەل وێ یەکێ ژی دا هەیا نها حکومەتا هەرێمێ چ هەلویستەکێ زەلال لسەر ڕادەستکرنا ٢٥٠ هزار بەرمیلێن نەفتێ ڕۆژانە بۆ بەغدا نەبوویە، هەر وەک چاوا د یاسایا بودجەی دا هاتیە بجیکرن.

لگۆری یاسای بودجەیێ عێراقێ، پشکا هەرێمێ ژ بودجەی زێدەتری ١٠ تڕلیۆن دینارانە ئەگەر هەرێم ڕۆژانە ٢٥٠ هزار بەرمیلێن نەفتێ ڕادەستی بەغدا بکەت.

هەر لگۆری یاسایێ، ئەگەر هەرێم نەفتێ ژی ڕادەستنەکەت، پێدڤیە بەغدا مەهانە ٥٢٢ ملیار دیناران بۆ مووچەیێ فەرمانبەران و پێشمەرگەی بنێریت، لێ د دەمێن دەربازبوویی دا بەشەک ژ پەرلەمانتارێن عێراقێ داخوازکرن ئەو برگەیا گرێدای هنارتنا پارەی بۆ هەرێمێ بهێتە سەڕاستکرن و جارەکا دی مووچەیێ فەرمانبەران ژ ئالیێ بەغدا ڤە بهێتە ڕاگرتن.

م.ن