سەرنووچە:

هەڤپەیمانیا نەسر داخوازکر بریارا هەلوەشاندنا حەشدا شەعبى پێشمەرگەیان ژى ڤەگریت

فۆتۆ: 
2019-07-03

315 جار خوێندراوەتەوە

هەڤپەیمانیا نەسر ب سەرۆکاتیا حەیدەر عەبادی، پشتەڤانیا بریارا عادل عەبدولمەھدی كر دەربارێ هەلوەشاندنا گرۆپێن حەشدا شەعبى و داخوازکر بریار هێزێن پێشمەرگەى ژى ڤەگریت.

هەڤپەیمانیا نەسر د راگەهاندنەکێ دا ئاماژە ب وێ یەکێ کر، یەکپارچەیى و سەقامگیریا وەلات پێتڤى ب وێ یەکێ یە، یەک هێز یەک دەستهەلات  هەبیت و دامەزراوەیان یەکبێخن.

وەها دبینن، ژ بلى وێ یەکێ هەبوونا هەر هێزەکێ ل دەرڤەى چارچوڤەیا رێکخستن، کۆنترۆ لکرن و ئاراستەیا حکومەتێ دێ بیتە رێک خوشکرن ل دابەشبوونا دەسهەلاتا دەولەتێ ، هەروەسا ژ دەستدانا سەروەریێ.

رۆژا دووشەمبیا دەربازبوویى، عادل عەبدولمەھدی سەرۆک وەزیران و فەرماندەیێ هێزێن چەکدار ، بریار نامەیەکا سەربازى ئیمزا کر کو تێدا بریار دایە  حەشدا شەعبى بهێتە هەلوەشاندن و تێکەلى سوپایێ بکەت.

م.س