سەرنووچە:

پەڕلەمانێ عێراقێ دێ جڤیت

ڕەوشا ئێزدیان گۆتۆبێژ دکەت
فۆتۆ: 
2019-07-02

170 جار خوێندراوەتەوە

پەڕلەمانێ عێراقێ دێ جڤیت و خاندنێ بۆ چەن پرۆژە یاسان دکەت کو یەک ژ وانا تایبەتە ب پڕۆژەیاسا ڕزگاربوویێن ئێزدیان.

لگۆری خشتەیێ کاری یێ ئەڤرۆ سێشەمبێ ( ٢ێ تیرمەهـ ٢٠١٩) پەڕلەمانێ عێراقێ دەمژمێر یەکێ پشتی نیڤرۆ جڤین دێ دەستپێکەت و د بڕگەها یەکێ دا خاندنا ئێکێ بۆ پڕۆژە یاسایا ڕزگاربوویێن ئێزدیان دکەت کو ل ١٥ مادان پێکهاتیە.

د بڕگەهەکا دی یا خشتەی هاتیە، دێ دەنگێ لسەر بەربژێرێن پلە تایبەت دێ دەت، دگەل خاندنا دوویێ بۆ پرۆژە یاسایا دەزگەهێ ڕاگەهاندن و پەیوەندیان کو ل ٥٧ مادەیان پێکهاتیە.

هەڤدەم خاندنا یەکێ بۆ پڕۆژەیاسایا زێدەگاڤیێن یەکەیێن ئاکنجی بوونێ دکەت، دگەل خاندنا دوویێ بۆ پێشنیارا هەموارا یەکەم بۆ یاسایا گشتی یا بووجەیا عێراقێ.

لگۆڕی خشتەیێ خاندنا دوویێ بۆ پڕۆژە یاسایا پەنابەران کو ل ١٩ مادەیان پێکهاتیە دێ هێتە کرن.

س.ع