سەرنووچە:

پەرلەمانێ عێراقێ دێ دەنگی لسەر بەربژارێ وەزیرێ پەروەردێ دەت

دێ دەنگ لسەر داوی وەزیر هێتە دان
فۆتۆ: 
2019-06-27

178 جار خوێندراوەتەوە

ئەڤرۆ دێ کابینەیا سەرۆک وەزیرێ عێراقێ تەمام بیت و پشتی هنارتنا ناڤێ بەربژارێ وەزیرێ پەروەردێ بۆ پەرلەمانی بۆ پەسندکرنێ.

لگۆری نڤیسارەکا عادل عەبدولمەهدی سەرۆک وەزیرێ عێراقێ کو دوهی چارشەمبیێ ٢٦ێ هەزیرانێ بۆ پەرلەمانێ عێراقێ هنارتیە، ژبلی بەربژارێ وەزیرێ پەروەردێ، چەند بەربژارێن پلەیێن تایبەت ژی بۆ پەرلەمانی هنارتینە ب مەرەما پەسەندکرنێ د ڕۆنشتان ئەڤرۆ دا.

د نڤیسارێ دا هاتیە، زاهیدە عەبدوڵا عوبێد بەربژارە بۆ وەرگرتنا پۆستێ وەزارەتا پەروەردێ.

لگۆرئ نڤیسارێ، عەلی عەبدولئەمیر عەلاوی بۆ پارێزگارێ بەنکا ناڤەندی و هەروەسا سەلاح نوری خەلەف بۆ پۆستێ سەرۆکێ دیوانا چاڤدێریا دارایی بەربژارن.

ئەو یەک ژی دیارکریە، محەمەد عەبدولمەهدی محەمەد تەقی بۆ پۆستێ شێورمەندێ سەرۆک وەزیری بەربژارە و فەیاز حەسە نیعمە و حامد یونس سالح زەوبەعی بۆ پۆستێ بریکارێ وەزارەتا نەفتێ بەربژارن، هەروەسا عادل کەریم ئەحمەد بۆ پۆستێ بریکارێ وەزارەتا پیشەسازی و کانزایان بەربژارە.

س.م