سەرنووچە:

سروە ونس: نونەرێن کورد داخوازێ ژ عێراقێ دکەن گەنمێ زێدەتر ل هەرێمێ بکرن

فۆتۆ: 
2019-06-26

173 جار خوێندراوەتەوە

سروە ونس ئەنداما جڤاتا نونەرێن عێراقێ د فراکسیۆنا نەوەى نوێ دا و ئەنداما لیژنەیێن هەرێمان و پارێزگەهان ب ئێن ئار تى راگەهاند، نونەرێن کورد داخواز ژ حکومەتا عێراقێ کرینە، ئەو کوژمێ گەنمێ بۆ هەرێمێ هاتیە دیار کرن ، بهێتە زێدە کرن.

سروە ونس زەلال ژى کر، سەدەما وان داخوازیان بۆ وێ یەکێ ڤەگەراند، هەرێم رێژەیەکا زێدەتر یا گەنم بەرهەم دئینیت، کو نها وەزارەتا بازرگانیا عێراقێ بۆ دیار کریە.

وێ پارلەمانتارا نەوەى نوێ ئاماژە کر، ئەو رێژا کو دێ ل جوتیارێن هەرێمێ هێتە وەرگرتن ، ب نێزیکى ۳٤٠ هزار تەن دهێتە خەملاندن، د دەمەکێ دا سالێن دەربازبووى یەک ملیۆن تون بوویە.

ئاماژە ژى کر، نونەرێن کورد داهخواز کریە ب زووترین دەم شایستەیێن دارایێن جوتیارێن هەرێمێ کو پێک دهێت ژ پارێ گەنمێ سالێن ۲٠۱٤ و ۲٠۱٥ و ۲٠۱٦ به٩ێتە خەرج کرن.

ونس، راگەهاند ژى وەکى ئەنداما قەرەبوکرنا جوتیارێن کوردستانێ  کو ب سەدەما لەهیان زرار پێکەهشت بەردەوامن بدیڤداچوونێ و هەر دەما کارێ لیژنەیێ گەهشتە ئەنجامێ جوتیارن دێ ئاگەهدار کەن.

دەربارێ قەرەبووکرنا جوتیارێن کەرکوک و جهێن ڤەقەتیاى  کو دەغلو دانێ وان شەوتیە ، راگەهاند، لیژنەیا دەرێخستنا راستیان هاتیە پێکئینان بۆ زانینا سەدەما ئاگرپێکەتنێ و قەرەبووکرنا جوتیاران.

م.س