سەرنووچە:

سەرۆکێ ئەمریکا هێرشا دژوار کرە سەر ئیران

ئالوزیێن د ناڤبەرا ئیران و ئەمریکایێ دا
فۆتۆ: 
2019-06-26

503 جار خوێندراوەتەوە

دۆنالد ترەمپ سەرۆکێ ئەمریکا راگەهاند، هەر شەرەک دگەل ئیرانێ رووبدەت زێدە بەردەوام نابیت.

سەرۆکێ ئەمریکا ئەڤرۆ چارشەمبیێ ٢٦ێ هەزیرانا ٢٠١٩ێ د داخویانیەکێ دا دگەل کەنالێ "فۆکس" تایبەت ب نووچەیێن ئابورى راگەهاند، " چ هێزەکا پیادە د شەریدا نابیت، ئەگەر شەر دگەل ئیرانێ بهێتە روودان".

دۆنالد ترەمپ ئاماژە ب وێ یەکێ ژى دا ، سەرکرداتیا ئیرانێ یا لاواز و چ زیرەکى نینە.

هەروەسا تەکەز کر، " د دەما روودانا شەرى دگەل ئیرانێ دا ، چ هێزەکا ئەمریکى د گۆرەپانا شەری دا نابیت".

د بەشەکا دى یا لێدوانا خۆ دا سەرۆکێ ئەمریکا ئاماژە کر، هیڤیدارین شەر دگەل ئیرانێ دا روونەدەت، ژبەر کو رووبدەت ڤەناکێشیت.

سەرۆکێ ئەمریکا سێ شەمبیێ ٢٥ێ هەزیرانا ٢٠١٩ێ د تویتەکێ دا تۆرا جڤاکیا تویتەرێ راگەهاند، ئەو بەیاننامەیا ئەڤرۆ ئیرانێ بەلاڤکرى زێدە یا نەزانانەیە و هەژى سڤکاتى پێکرنێ یە ، دەردکەڤیت ئەو چ ل راستیێ تێناگەهن.

م.س