سەرنووچە:

چاڤکانیەک: پارتی ل سەرۆکایەتیا هەرێمێ دوو ڕێڤەبەرێ گشتی یێن یەکێتیی خانەنشین کرن

فۆتۆ: 
2019-06-26

493 جار خوێندراوەتەوە

چاڤکانیەکێ ل سەرۆکایەتیا هەرێما کوردستانێ ئاشکرا کر، پارتی دوو ڕێڤەبەرێ گشتی ل پشکا خۆ دامەزراندینە و دوو ڕێڤەبەرێن گشتی ژی کو لسەر پشکا یەکێتێ بوون ل سەرۆکایەتیا هەرێما کوردستانێ خانەنشین کرینە.

وی چاڤکانیێ کو نەخواست نأڤێ وی بهێتە بەلاڤکرن بۆ دیجیتال میدیایا ئێن ئاڕ تی ڕاگەهاند، ل چەند ڕۆژێن دەربازبووی دا پارتی بۆ چەند فەرمانبەرێن خۆ پلەیێن وان ل سەرۆکایەتیا هەرێمێ بلند کرینە و فەرمانا ڤەگوهاستنێ ژی بۆ فەرمانبەرێن دی یێن یەکێتیێ دایە.

هەر لگۆڕی زانیاریێن ئێن ئاڕ تی، جڤاتا وەزیرێن کاربڕیکەرا هەرێمێ ل ١٥ێ ڤێ مەهێ فەرمانەک دەرکر کو گۆهڕین د پلەیا وەزیفی یا فەرمانبەران دا کارەکێ یاسای نینە.

 چاڤکانیێ ئێن ئاڕ تی ئەو یەک ژی ئاشکرا کر، د هەیکەلیەتا سەرۆکایەتیا هەرێمێ و یاسایێ دا چ پۆستەک ب ناڤێ جێگرێ سەرۆکێ دیوانا ب وەکالەت نینە، لێ د نها دا جوان جەودەت کو ڕێڤەبەرا گشتیی یە نها ئەو پۆست هەیە.

د ناڤەڕاستا مەها گۆلانێ دا، ب فەرمانەکا نهێنی کو ئیمزایا نێچیرڤان ئەحمەد سەرۆکێ دیوانا جڤاتا وەزیرێن کاربڕێکەر لسەر بوو، هەر چەند پشتی چەن ڕۆژان ب بڕیارەکا  نێچرڤان بارزانی کو بڕیار دایە ب هەلوەشاندنا بڕیارا ڤەگۆهاستنا فەرمانبەرێن یەکێتیێ، لێ هەیا نها نکارینە بچنەڤە سەر کارێن خۆ.

س.ع