سەرنووچە:

ئیران: سوبەهی دێ دەست ب زێدەکرنا پیتاندنا یۆڕانیۆمێ کەین

ئالۆزیێن ناڤبەرا ئەمریکا و ئیرانێ
فۆتۆ: 
2019-06-26

176 جار خوێندراوەتەوە

دامەزراوەیا وزە یا ناڤۆکی یا ئیرانێ ڕاگەهاند، دێ سوبەهی دەست ب زێدەکرنا پیتاندنا یۆڕانیۆمێ کەین.

بەهرۆز کەمالوەندی پەیڤدارێ دامەزراوەیا ناڤۆکی یا ئیرانێ ئەڤرۆ چارشەمبێ( ٢٦ێ هەزیرانا ٢٠١٩) ڕاگەهاند، ئەو دەمێ کو بۆ چەند وەلاتێن ئەوروپا هاتبوو دیاریکرن هەیا کو بەرسڤا ئیرانێ بدەن ل بەڕەڤانی کرن ژ سزایێن ئەمریکا دێ سوبەهێ ب داوی هێت.

دیارکر ژی، ل سوبەهی ڤە دێ وەلاتێ وی دەست ب زێدەکرنا پیتاندنا یۆڕانیۆمێ کەت کو دنها دا ٣٠٠ کیلۆ یۆڕانیۆم دێ بەرهەمئینیت.

دازانین ژی، لگۆڕی پێدڤیا وەلاتێ خۆ دێ دەست زێدەکرنا پیتاندنا یۆڕانیۆمێ بۆ ئاستەکێ نوو کەین زێدەتر ژ سەدا ٢٠ێ هەیا ل وێستگەهێن ناڤخۆ یێن وەلاتی دا بکاربهینن.

هەڤدەم بەرپرسێ بلند یێ ئاسایشا ئیرانێ ڕاگەهاند، وەلاتێ وی ل حەفتیا تیرمەها داهاتی دا دێ چەند پێنگاڤێن نوو گریتەبەر ژ بۆی کێمکرنا پێگربوونان ب ڕێکەفتنا ناڤۆکیێ ڤە.

ژ ئالیەکێ دی ڤە عەلی خامنەئی ڕابەرێ بلندێ ئیرانێ ڕاگەهاند، پێشنیارێن ئەمریکا بۆ دەستپێکرنا گۆتووبێژ و دانوستانان د ناڤبەرا وان جۆرەکە ژ سەردابرنێ.

سوبەهی پێنجشەمبێ دەمێ د ئەو دەمێ کو بۆ چەند وەلاتێن ئەوروپا دەربارەی بەڕەڤانی کرن ل ئیرانێ  و کێمکرنا سزایێن ئەمریکا دێ سوبەهێ ب داوی هێت.

ئەڤەژی د دەمەکێ دا هەیا بهێت ناکۆکیێن ناڤبەرا ئیرانێ  و ئەمریکا زێدە دبن و ل ٢٤ێ ڤێ مەهێ ل هەمبەری ئێخستنەخوارا بالەفڕا وان  سەرۆکێ ئەمریکا پشکەکا دی یا سزایان ب سەر ئیرانێ و چەندین بەرپرسێن و ێ دا سەپاندن.

س.ع