سەرنووچە:

پارتی و یەکێتی ل هەولێرێ د جڤینێ دانە

پرسا پێکئینانا حکومەتێ
فۆتۆ: 
2019-06-26

602 جار خوێندراوەتەوە

دیجیتال میدیایا ئێن ئاڕ تی، هەولێر، هێرش قادر

پارتی و یەکێتی دەربارەی پرسا پێکئینانا حکومەتێ و پۆستێ پارێزگارێ کەرکوکێ د جڤینێ دانە و پەیڤدارێ یەکێتیێ ژی ڕاگەهاند، جڤین بۆ گۆتۆبێژکرنێ یە دەربارەی داوی قۆناغا ڕێکەفتنا وان دگەل پارتی.

لەتیف شێخ عومەر پەیڤدارێ یەکێتیێ بۆ دیجیتال میدیایا ئێن ئاڕ تی دازانین، "بەریا نیڤرۆیا ئەڤرۆ ل باژێرێ هەولێرێ دگەل پارتی دجڤن".

دیارکر ژی، "جڤین بۆ گۆتۆبێژکرنێ یە لسەر داوی قۆناغا ڕێکەفتنێن مە".

دەربارەی ئەندامێن شاندێن هەردوو ئالیان ژی پەیڤدارێ یەکێتیێ گوت، "ئەندامێن هەردوو شاندان گرنگ نینە کیینە، یا گرنگ ئەوە دێ جڤن".

بڕیارە بەریا دەستپێکرنا بێهنڤەدانا هاڤینی یا پەرلەمانێ کورستانێ کو دەستپێکا مەها داهاتی دێ دەستپێکەت، پێدڤییە مەسرور بارزانی کابینەیا حکومەتا خۆ پێشکەشی پەرلەمانی بکەت بۆ پەسەندکرنێ، لێ لگۆری زانیاریان ژی یەکێتی ڕەتکریە ناڤێ بەربژاران بۆ پۆستێن وەزاری بداتە سەرۆکێ ئەرکدار بۆ پێکئینانا حکومەتێ هەیا وی دەمێ کو پۆستێ پارێزگارێ کەرکوکێ لسەر پشکا یەکێتیێ دهێتە پەسەند کرن.

س.م