سەرنووچە:

عەبدولمەهدی: ئەگەر هەرێم ٢٥٠ هزار بەرمیلێن نەفتێ ڕادەست نەکەت دێ ژ پشکا بودجەیێ وێ هێتە بڕین

هەرێمێ بەرهەڤی لسەر  ڕادەستکرنا وێ بڕا نەفتێ نیشاندایە
فۆتۆ: 
2019-06-26

2416 جار خوێندراوەتەوە

سەرۆک وەزیرێ عێراقێ ڕاگەهاند، پێدڤیە هەرێم ڕۆژانە ٢٥٠ هزار بەرمیلێن نەفتێ ڕادەست بکەت و ئەگەر ڕادەست نەکەت، دێ پشکا بودجەیێ وێ ب ئەندازەیا بڕا نەفتێ هێتە بڕین.

عادل عەبدولمەهدی سەرۆک وەزیرێ عێراقێ د کۆنفرانسەکا ڕۆژنامەڤانی یا حەفتیانەیا خۆدا دازانین، حکومەتا فیدرالی و حکومەتا هەرێما کوردستانێ جڤینێن بەردەوام دکەن بۆ چارەسەرکرنا تەڤاهیا پرسێن هەلاویستیێن ناڤبەرا وان.

دیارکر ژی، نێجیرڤان بارزانی بەرهەڤی نیشاندایە دەست ب ڕادەستکرنا وێ بڕا نەفتێ بکەن، لێ ل دەستپێکێ پێدڤی ب گۆتۆبێژانە دگەل بەغدا.

لگۆری یاسای بودجەیێ عێراقێ، پشکا هەرێمێ ژ بودجەی زێدەتری ١٠ تڕلیۆن دینارانە ئەگەر هەرێم ڕۆژانە ٢٥٠ هزار بەرمیلێن نەفتێ ڕادەستی بەغدا بکەت.

هەر لگۆری یاسایێ، ئەگەر هەرێم نەفتێ ژی ڕادەستنەکەت، پێدڤیە بەغدا مەهانە ٥٢٢ ملیار دیناران بۆ مووچەیێ فەرمانبەران و پێشمەرگەی بنێریت، لێ د دەمێن دەربازبوویی دا بەشەک ژ پەرلەمانتارێن عێراقێ داخوازکرن ئەو برگەیا گرێدای هنارتنا پارەی بۆ هەرێمێ بهێتە سەڕاستکرن و جارەکا دی مووچەیێ فەرمانبەران ژ ئالیێ بەغدا ڤە بهێتە ڕاگرتن.

س.م