سەرنووچە:

سەرۆکێ فراکسیۆنا نەوەى نوێ زەینەب نیازى خەلات کر

سەردانا مالا خاتین (زەینەب نیازی) کر
فۆتۆ: 
2019-06-25

2153 جار خوێندراوەتەوە

سەرۆکێ فراکسیۆنا نەوەى نوێ د پارلەمانا کوردستانێ دا راگەهاند، " نابیت لسەر جووداهیا هزرکرنا ئولى و چاوانیا کرنە بەرخۆ یا جلوبەرگان رێکێ بدەین ، کو چ مرۆڤەک زولم لێ بهێتە کرن یان بهێتە سزادان".

 کازم فاروق سەرۆکێ فراکسیۆنا نەوەى نوێ  د پارلەمانا کوردستانێ دا ل پەیجێ خۆ یێ فەرمى د فیسبووکێ دا نڤیسیە، " دگەل هەڤالێن خۆ کاک یەعقوب و کاک بێستون مە سەردانا مالا خاتین (زەینەب نیازی) کر ل باژارێ کەلار ، ب مەرەما پیرۆزباهیێ و دەستخوشیێ ل قوتابیا سەرکەفتى و مالباتا وێ".

بەحسا وێ یەکێ ژى کر، " وەکى پالدانەکێ هەمبەر بدەستڤەئینانا پلەیا بلند و رێزگرتن ژ بێ خەویى و ماندیبوونا سالەکێ و ئەو جووداهیا هەمبەر هاتیە ئەنجامدان، مە دیاریەکا هەژى پێشکێش کر".

ئەڤە ژى د دەمەکێ دایە، ئێڤاریا ٢٣ێ هەزیرانێ لسەر ئاوایێ رەفتارا کارمەندێن وەزارەتا پەروەردێ د مەراسیما خەلاتکرنا یەکەمان دا دگەل کچە یەکەمەکا نیقاب کارکرى کارڤەدان د تۆرێن جڤاکى دا لێکەفت، پشتى کو د گرتە ڤیدیۆیێ دا دەرکەفتى د مەراسیمێ دا کارمەندێن وەزارەتا پەروەردێ وێ کچا ب نیقاب بۆ رێزا پشتێ بر.

م.س