سەرنووچە:

ئەردۆغان: ب ڕاگەهاندنا دەڤەرا ئارام یەک ملیۆن سوری دێ ڤەگەڕن وەلاتێ خۆ

فۆتۆ: 
2019-06-25

155 جار خوێندراوەتەوە

ڕەجەب تەیب ئەردۆغان سەرۆک کۆمارێ تورکیا پێشبینی کر پشتی ڕاگەهاندنا دەڤەرا ئارام ل باکورێ سوریا یێ هەڤسنور دگەل تورکیایێ، یەک ملیۆن وەلاتیێن سوری دێ ڤەگەڕن وەلاتێ خۆ.

سەرۆک کۆمارێ تورکیا ل هەمبەری ئەندامێن پارتا خۆ ڕاگەهاند،" د بزاڤا بەرفرەهکرنا دەڤەرا ئارام داینە ب درێژاهیا سنورێ وەلاتێ خۆ، هەیا کو پەنابەرێن سوری یێن ئاکنجیێن تورکیا ڤەگەڕن وەلاتێ خۆ".

ئاژانسا نووچەیا ڕۆیتەرز ژ زارێ ئەردۆغان بلاڤکر، د نها دا ٣٣٠ هزار وەلاتیێن سوری بۆ جهێن خۆ ڤەگەڕیاینە، لی د وێ باوەریێ دایە ب چارەسەرکنا منبجێ و ڕۆژهەلاتا فوڕات، ب ئاوایەکی لەزگین هژمارا وان دێ گەهیتە یەک ملیۆن کەس.

ئەڤ گۆتنا ئەردۆغان د دەمەکێ دایە، ب سەدەما شەرێ  ناڤخۆیێ سوریا و هێرشێن داعش بۆ سەر دەڤەرێن باکورێ سوریا، نێزیک چار ملیۆن وەلاتیێن سوری ئاوارەیێ  تورکیا بوونە، هندەک جاران ژی بەرپرسێن تورکیا ڕاگەهاندنە،ئەو هژمارا زێدە یا ئاوارەیان بۆ وان بوویە سەدەما ئاریشەیان.

حکومەتا تورکیا بەردەوام د بزاڤا ڕازیکرنا ئەمریکا دایە ب بۆ ڕاگەهاندنا دەڤەرەکا ئارام ل پشکا باکورێ ڕۆژهەلات ل سوریا، کو پرانیا وێ د دەستێ یەکینەیێن پاراستنا گەل( یەپەگە) ێ یە و ئەڤ یەک ژی بوویە سەدەما دلگرانیا ئەنقەرەیێ.

س.ع