سەرنووچە:

ترەمپ: دێ ب دژوارى بەرسڤا هەمى هێرشێن ئیرانێ دەین

ئالوزیێن ناڤبەرا ئەمریکا و ئیرانێ
فۆتۆ: 
2019-06-25

206 جار خوێندراوەتەوە

دۆنالد ترەمپ سەرۆکێ ئەمریکا راگەهاند، ئیران هەر هێرشەکا بکەتە سەر بەرژەوەندیێن ئەمریکا دێ ب دژوارى بەرسڤێ دەین.

سەرۆکێ ئەمریکا ئەڤرۆ سێ شەمبیێ ٢٥ێ هەزیرانا ٢٠١٩ێ د تویتەکێ دا تۆرا جڤاکیا تویتەرێ راگەهاند، ئەو بەیاننامەیا ئەڤرۆ ئیرانێ بەلاڤکرى زێدە یا نەزانانەیە و هەژى سڤکاتى پێکرنێ یە ، دەردکەڤیت ئەو چ ل راستیێ تێناگەهن.

ترەمپ گوت، " هەر هێرشەک سەر بەرژەوەندیێن  ئەمریکا بهێتە کرن دێ ب دژوارى و ب هێزەکا مەزن بەرسڤ دەین و زێدە ژى ل هندەک دەڤەران ب مەرەما ژێبرنێ دهێت".

د داویا داخویانیێ دا تەکەز کریە، سەردەمێ جون کێری و ئۆباما داوى هاتیە، وەکى ئاماژەکێ بۆ نەرماتیا باراک ئۆباما سەرۆکێ بەریا نها یێ ئەمریکا و جۆن کێرى وەزیرێ دەرڤە یێ وى دەمى ، کو هەیا نها چەندین جاران ترەمپ هێرش کرینە سەر ، ژبەر کو زێدە نەرم بوون دگەل پرۆگرامێ ئەتۆمییێ ئیرانێ.

م.س