سەرنووچە:

ڕۆنالدۆ ٢٣هزار دۆلار وەک دیاری پێشکێشی چەند کارمەندان کر

فۆتۆ: 
2019-06-25

860 جار خوێندراوەتەوە

یاریزانێ تەپاپێ یێ جیهانی کریستیانۆ ڕۆنالدۆ ب گوژمێ ٢٣هزار دۆلارا وەک دیاری پێشکێشی ١٠ کارمەندێن دەڤەرەکا گەشتیاری یا یۆنانێ کر.

لگۆڕی نووچەیەکا ڕۆژنامەیا زەسەن یا بەریتانی، کریستیانۆ ڕۆنالدۆی پشتی بسەربرنا وەرزەکێ دژوار ل یاریکرنێ بۆ یانەیا یۆڤانتۆس، دگەل خێزانا خۆ د بهێنڤەدانا وەرزێ هاڤینێ دا د گەشتێ دانە.

بڕیاردایە دوور ژ چاڤێت کامیرەیان  و ب تایبەت دوور ژ وێنەگرێن " پاپاراتزی" تامێ ژبهێنڤەدانا خۆ وەرگرن، نیڤا ئێکێ ژ بهێنڤەدانێ گەشت کرن بوو بۆ دوورگەهێن بالکێشێن یۆنان ب ناڤێ" کۆستا ناڤاریۆ" ئەڤ یەک ژی دووەم گەشتا وانە ل دوو سالێن ئیک دویف ئێک دا بۆ وێ دەڤەرێ.

یاریزانێ "خانمە پیرەکە" دگەل هەڤژین و زارۆکێ خۆ، بۆ خۆشی برن ل بهێنڤەدانێ بەردەوامن و لسەر ڕوویێ کەشتیێن شاهانە ل دەڤەرا" ڕیڤێرا " یا فەڕەنسا مانە.

لگۆڕی زانیاریێن وێ ڕۆژنامێ، ڕۆنالدۆ بەریا ژ یۆنانێ دەرکەڤیت، گوژمێ ٢٣ هزار دۆلار وەک دیاری پێشکێشی ١٠ کارمەندێن دەڤەرا گەشتیاری یا یۆنانێ کر.

بسەربرنا تنێ یەک شەڤێ ل وان دەڤەرێن گەشتیاری هەری کێم گوژمێ نەهـ هزار دۆلاردان دخوازیت.

ڤان کەشتیان لە " شەش ژورێن شاهانە، هۆلەکا وەرزشی، هۆلەکا سینەمایێ،  کۆمەکا کەل و پەلێن بنئاڤێ و مەلەکرن و کۆمەکا ئامێرێن دی یێن وەرزشی" تێدانە.

سالا دەربازبووی بۆ دەمەکێ کریستیانۆ ڕۆنالدۆی بهێنڤە دانا خۆ ل هەمان جهێ گەشیاری یێ یۆنانێ بربووسەر، گەشتا وان ب هەمان ئاوا بڕێڤە چوو، گوژمێ ٢٣ هزار دۆلارێن ئەمریکی وەک دیاری پێشکێشی پێنج کارمەندێ وێ دەڤەرا گەشتیاری کر.

س.ع