سەرنووچە:

نەسر: رادەستنەکرنا داهاتێ نەفتا هەرێمێ بەرۆڤاژى یاسایا بودجەیێ یە

فۆتۆ: 
2019-06-25

234 جار خوێندراوەتەوە

هەڤپەیمانیا نەسر راگەهاند، رادەستنەکرنا داهاتێ نەفتێ ژ ئالیێ حکومەتا هەرێمێ ڤە بەرۆڤاژى بریارێن دادگەها فیدرال و یاسایا بودجەیە، هەروەسا هەڤپەیمانى دبێژیت ، ژبەر لاوازیێ داخوازا هەلوەشاندنا حکومەتا عێراقێ دکەین.

هەڤپەیمانى ژ ئالیێ حەیدەر عەبادى سەرۆک وەزیرێن بەرێ سەرۆکاتیێ لێ دکەت، د راگەهاندنەکێ دا رەخنە ل حکومەتا عێراقێ گرت، کو بنپێکرن د یاسایا عێراقێ دا دهێتە کرن، ب تایبەت د بابەتێ گرێداى ب داهاتێ نەفتا هەرێمێ ڤە ب حکومەتا ناوەند.

هەروەسا گوت، لاوازیا حکومەتێ وەها کریە هەڤپەیمانیا وان ئۆپۆزسیۆنا تمامى رابگەهینیت و داخوازا هەلوەشاندنا حکومەتێ بکەت.

د بەشەکێ راگەهاندنێ دا هاتیە، دەستهەلاتدارێن هەرێمێ دانا قەرزێن هەرێمێ کریە مەرج ل سەر بەغدا بۆ رادەستکرنا داهاتێ نەفتێ، کو ئەڤە ژى بەرۆڤاژى بریارا دادگەها فیدرالى و بودجەیە.

هەڤدەم ئاماژە کر، سامانێ نیشتیمانى مۆلکێ گەلە ب هەمى پێکهاتیان ڤە نەکو حکومەتێن خوجهى هەیا کو ب حەزا خۆ مامەلێ پێڤە بکەن.

م.س