سەرنووچە:

ماموستایا زانکویا دهۆک شونەم ئەحمەد وەيس وەغەرا داویێ كر

فۆتۆ: 
2019-06-25

2029 جار خوێندراوەتەوە

ئەڤرۆ شونەم ئەحمەد وەيس نوژدارا ئافره‌تان و ماموستایا زانکویێ و ئەنداما ڕێکخراوا زانین وەغەرا داویێ كر.

بەرپرسی راگاھاندنا ساخلەمیا پارێزگەھا دھۆکێ بو ئێن ئاڕ تی راگەھاند، ئەڤڕۆ ڕۆژا سێشەمبی ٢٥ێ هەزیرانا ٢٠١٩ێ نوژدارا تایبەتمەند ب نەخۆشیێن ژنان و زارۆکبوونێ شەونم ئەحمەد وەیس ل باژێرێ ڤییەنا پایتەختێ نەمسا وەغەرا داویێ كر.

زەلال ژى کر، پشتی ب فه‌رمی هاتیه‌ داخازكرن بو پشكداریێکرن د كونفرانسه‌كێ‌ نێڤده‌ولی دا ل پایته‌ختێ‌ وه‌لاتێ‌ نه‌مسا ژ نیشكه‌كێ ڤه‌ جانێ‌ خۆ ژده‌ست دایە.

 ديار ژى کر، ئەو د بەرهەڤن بۆ بەرهەڤکرنا هەمی ئاسانکاریان بۆ مالباتا وێ د دەما ڤەگەریانا تورمی وێ دا بۆ پارێزگەها دهۆکێ

دکتورا شونم ئەحمەد وەیسى ل سالا ١٩٦٥ ژ دایکبووویە و ئاکنجیا پاریزگەها دهۆکێ بوویە، یەک ژ نوژدارێن دێرین بوویه‌ د بیاڤێ نه‌خۆشیێن ژنان و زارۆکبوونێ‌ دا و خزمه‌ته‌كا مه‌زن پێشكێشی خه‌لكێ‌ پارێزگه‌ها دهۆكێ‌ كریه‌ و هه‌رده‌م یا د ئه‌ركێن خۆ دا یا بەرهەڤبوویە.

م.ن