سەرنووچە:

ئەڤرۆ پاڕلەمانێ عێراقێ دێ پۆستێن ڤالا یێن حکومەتێ تەژی کەت

فۆتۆ: 
2019-06-24

296 جار خوێندراوەتەوە

دیجیتاڵ میدیایا ئێن ئاڕ تى، بەغداد، ئومێد محەمەد

خشتەیا ڕوونشتنا پاڕلەمانێ عێراقێ هاتە شاکرا کرن، بڕیارە کابینەیا عادل عەبدولمەهدی بهێتە تەژی کرن و باوەری ب بەربژێرێن پۆستێن ڤالا بهێتە دان.

نووچەگەهانێ دیجیتال میدیایا ئێن ئاڕ تی ڕاگەهاند، ناڤێ هەر ئێک ژ نەجاح شممەری بۆ پۆستێ وەزارەتا بەڕەڤانی و یاسین تاهیر بۆ پۆستێ وەزارەتا ناڤخۆ و سەفانە حەمدانی بۆ پۆستا وەزارەتا پەروەردە و فاروق ئەمین بۆ پۆستێ وەزارەتا داد گەهشتیە پاڕلەمانێ عێراقێ هەیا کو ئەڤرۆ باوەریێ ب وان بهێتە دان.

لگۆرێ ڕاگەهاندنەکا پاڕلەمانێ عێراق کو یەکشەمبێ ( ٣٢ی هەزیرانا ٢٠١٩) بەلاڤکر، ئاماژە ب وێ یەکێ کر د یەکەم پڕگەیێ دا دێ دەنگ لسەر تەمام کرنا کابینەیا عادل عەبدولمەهدی هێتە دان.

د بڕگەها دوویێ دا دێ دەنگ لسەر پڕۆژە یاسایا زڤڕاندنا کارمەندێن هەر دوو وەزارەتێن ناڤخۆ و بەڕەڤانیێ بۆ خزمەت هێتە دان.

وەک دبڕگەها سیێ یا ڕاگەهاندنێ دا هاتیە، هەر ئەڤرۆ پاڕلەمانێ عێراقێ دێ دەنگی لسەر هەموارا یەکەما پڕۆژە یاسایا حجز و دەست بسەرداگرتنا مولک و مالێ ڤەگوهاستی و نەڤەگوهاستی یێن سەردەمێ ڕژێما بەرێ یا هژمارا (٧٢)ێ سالا ٢٠١٧ێ دا.

هەروەسا بڕگەیەکا دی ڕوونشنا پاڕلەمانێ دێ بەرهەڤکەت بۆ خاندنا یەکەم بۆ پڕۆژە یاسایا ئازادیا ڕادەربڕین و جڤین و خۆنیشاندانێن ئاشتیانە.

ئەڤە ژی د دەمەکێ دایە، هەیا نها کابینەیا عادل عەبدولمەهدی وەزارەتێن بەڕەڤانی و ناڤخۆ و پەروەدە تەژی نەکری نە.

س.ع