سەرنووچە:

ئیسرائیل خۆ بۆ هێرشا ئەمریکایێ بۆ سەر ئیرانی بەرهەڤکر

فۆتۆ: 
2019-06-21

1938 جار خوێندراوەتەوە

بەرپرسەکێ ئیسڕائیل ڕاگەهاند، وەلاتی وی خۆ بەرهەڤکریە، بۆ ئەگەرێ هێرشا ئەمریکا بۆ سەر ئیران، دیارکر ژی، خستنەخورا بالەفڕا بێ بالەفڕڤانا ئەمریکا ب ساناهی دەرباز نابیت.

کەنالا٢٤ نیوز یا ئیسڕائیل ژ زارێ وی بەرپرسێ ئیسڕائیلی، کو ناڤێ وی نەهاتیە ئاشکرا کرن، بەلاڤکر،" ئیرانیان کارڤەدانێن خۆ زێدە کرینە، ئارمانجەکا ئاشکرایا ئەمریکا کرە ئارمانج، لێ خواستیە زرارێن جانی نەبن".

ئەو کەنالا ئیسڕائیلێ ئاشکرا کر، وەلاتی وی خۆ بەرهەڤ کریە، بۆ وێ مەرەمێ ژی شێورا ئەولەکاریێ ل ئیسرائیلێ هاتیە کرن.

وی بەرپرسی ئیسرائیلی دازانین ژی، زێدەباری توندیا ئالۆزیێن ناڤبەرا ئەمریکا و ئیسڕائیل، لێ هێشتا کارڤەدانێن بەرسڤا واشنتۆنێ بۆ تەهرانێ هاتیە دیاریکرن، ب تایبەت پشتی داخویانیا ئەڤرۆ یا سەرۆکێ ئەمریکا، کو ئاشکرا کر، د ١٠ خولەکین داویێ دا بڕیارا هێرشکرنە سەر ئیرانێ هەلوەشاند.

ئەڤەژی د دەمەکی دایە سپێدەهیا ڕۆژا پینجشەمبا دەربازبووی، سوپایێ پاسدارێن ئیرانێ، ب ڕێکا موشەکێ ڤە، بالەفڕەکا بێ بالەفڕڤان یا ئەمریکا ل پاریزگەها هورمزجانی یا باشوری وەلاتی خۆ خستەخوار و بوویە سەدەما ئالۆزبوونا زێدەترا ناکۆکیین ناڤبەرا هەر دوو وەلاتان دا.

س.ع