سەرنووچە:

بارەگەهێ بارزانى بەرسڤا مەحمود سەنگاوى دا

فۆتۆ: 
2019-06-18

5820 جار خوێندراوەتەوە

پشتى کو مەحمود سەنگاوى ئەندامێ مەکتەبا سیاسیا یەکێتیێ ڕەخنە ل ئاوایێ سویندخوارنا نێچیرڤان و مەسعود بارزانى گرتین، نڤیسینگەها ڕاگەهاندنا مەسعود بارزانى بەرسڤا وى دا و ڕاگەهاند، گوتنێن مەحمود سەنگاوى د بێ ئاستیێ دانە و نابە جهێ وێ چەندێ بەرسڤێ لێ بهێتەدان.

د ڕاگەهاندنا نڤیسینگەها مەسعود بارزانى دا  ئەڤرۆ ڕۆژا سێشەمبی ١٨ێ هەزیرانا ٢٠١٩ێ بەلاڤکر، " گوتنێن مەحمود سەنگاوى کو وەها د کێم و بێ ئاستبوونە، نابە جهێ وێ چەندێ بەرسڤێ لێ بدەین،  ژبەر کو دیرۆک و کریارێن وى کەسی دیار و ئاشکرانە، مافیا و تالانچى و بکوژ یێن هندێ نینن بەرسڤ لێ بهێتە دان".

د پشکەکا دى یا ڕاگەهاندنێ دا هاتیە، " زوور جوانتربوو مەکتەبا سیاسی یا یەکێتیێ و پەیڤدارێ وێ حزبێ د بێ دەنگ بوونە نە بەیاننامەیێن شەرمنانە و بێ ناڤەرۆک ل هەمبەرى گوتنێن تالانچیەکێ بەلاڤبکەت، کو ب نەفسا تێکدانا ڕەوشا کوردستانێ و تێکدانا ئاسویێ جڤاکی یێ خەلکێ ئاخفتن گوتنە".

ئەو ڕاگەهاندنا بارەگەهێ بارزانى د دەمەکێ دایە، مەحمود سەنگاوی د گوتارەکێ دا د دەما ڕێوڕەسما ڕێزلێنانا پێشمەرگەیێن دێرینێن حزبا خۆدا، دبێژیت ژبەر خاترا میلەتی وان گەلەک تشت ل پارتی قەبوولکرنە، لێ ژ ئەڤرۆ پێدا نە سڤکاتیێ قەبوولدکەن و نە خۆ ژ پارتی بچیکتر دبینن، بەلکو خەبات و ماندوبوونا یەکێتیێ سەردای پارتی یە.

رەخنەیێن مەحمود سەنگاوی زێدەتر ئاراستەی مەسعود بارزانینە و دبێژیت، "ئەگەر نەیێ بچیکبووایە پشتی وەغەرکرنا جەلال تالەبانی و نەوشیروان مستەفا دا دەستان ژ پارتی بەردەت و دابێژیت کو سەرۆکێ کوردانە و چ ئاریشە هەنە وەرنە دەف من".

م.ن