سەرنووچە:

ل دهۆکێ ئاگر ب چیایێ پشتا تاخێ سەرهەلدان کەفت

فۆتۆ: 
2019-06-18

495 جار خوێندراوەتەوە

 دیجیتال میدیایا ئێن ئاڕ تى، تائیف گۆران، دهۆک

ل سەتنەرێ پارێزگەها دهۆکێ ئاگر ب ٨٠ دۆنمێن پیش و پەلەخ ل چیایێ کێلیا فرعینێ کەفت

بێوار عەبدولعەزیز پەیڤدارێ بەرەڤانیا باژێری ل دهۆکێ ژ ئێن ئاڕ تی ڕاگەهاند، دوهی ئێڤاری ئاگر بەربوویە وی چیایێ کێلیا فرعینێ و تیمێن مە ڤەمراندن هەروەسا شەڤا دەربازبووی جارەکا دی ئاگر ب وی چیایی کەتیە ڤە و بهەمان ئاوای هاتیە ڤەمراندن ، ئەڤرۆ  ئێڤاری بۆ جارا سیێ ئاگر ب وی چیایی کەفت.

دازانین ژى،  ژبەر بلنداهیا چیایی ترۆمبێلێن ئاگرڤەمراندنێ نەگەهشتینە جهێ بوویەرێ و ب بالافران ئەو ئاگر هاتیە کونترۆل کرن، ب سەدەما وى ئاگریى ژى ٨٠ دۆنم ژ پیش و پەلەخی هاتنە شەوتین.

د حەفتیا دەرباسبووى دا ٣٧١ بوویەرێن ئاگربەربوونی ل سنورێ پارێزگەھا دھۆک پەیدابوونە کو زێدەتریا وان یێن پیش و پەلەخی و دەخلودان و جھێن خودانکرنا تەرش و کەوالی هەبوونە کو زەرە و زیانین ماددی ب لدیف خو ھیلانە کو ٢٥٠ دونەمێن دەخلودانێ جوتیاران شەوتینە و زرار ب ژینگەھێ گەهاندنە و زرارێن جیانی ژى هەبوونە .

م.ن