سەرنووچە:

عەلی باپیر: کۆمەلا ئیسلامی پشکداریێ د حکومەتێ دا ناکەت

پرسا پێکئینانا حکومەتێ
فۆتۆ: 
2019-06-18

801 جار خوێندراوەتەوە


ئەمیرێ کۆمەلا ئیسلامیا کوردستانێ ڕاگەهاند،" کۆمەلا ئیسلامی پشکداری د پێکئینانا حکومەتێ دا ناکەت"، لێ مە پێ خۆشە حکومەت ب پێوەرا وەلاتی بوونێ مامەلە دگەل تەڤایا ئالیان دا بهێتە کرن نەک ب پێوەرا ئینتیمایا حزبی وبنەمالەیێ.

عەلی باپیر ئەمیرێ کۆمەلا ئیسلامیا کوردستانێ، د کۆنگرەیما ڕۆژنامەڤانی دا بەحسا وێ یەیکێ کر، ئەوێ کابینەیا کو حکومەتا هەرێمێ پێکدهینیت کۆمەلا ئیسلامی تێدا نابیت، لێ مە پێ خۆشە ئەڤ حکومەتە بڕاستی حکومەت بیت و ب پێوەرا وەلاتی و مرۆڤبوونێ سەرەدەریێ دگەل خەلکی دا بکەت نە ئینتیمایا حزبی و بنەمالەیی.

ئەمیرێ کۆمەلێ دیارکر،" وان پێ باشە پاڕلەمانێ مە باشترین پاڕلەمان بیت و تەعبیر ل ئیرادەیا خەلکی بکەت، پێدڤیە حکومەت یا هەمی ئالیان بیت، بۆ مەژی گرنگە هەر پۆستەکێ ل هەرێما کوردستانێ هەیە حەقێ خۆ وەرگریت، ل جەممە نەیا گرنگە ل جەم کیژ ئالیێ بیت، بەلکی یا گرنگ  خزمەتا خەلکی پێ بهێتە کرن".

دازانین ژی، دەمەکە ژ ئالیێ "وی" ئێکلایی بوویە کو ڕەوش وەسا دخوازیت بۆ کۆمەلێ ناگونجیت دڤێ حکومەتێ دا پشکداربیت، پشکداری نەکرنا کۆمەلێ ژی ب واتەیا وێ یەکێ ناهێت کو چەپەری ل حکومەتێ بگرن، بەرۆڤاژی دێ هەڤکار بن هەیا کو هەرێما کوردستانێ باشترین حکومەت هەبیت.

ئەڤ هەلوێستا ئەمیرێ کۆمەلا ئیسلانی د دەمەکێ دایە کو ڕۆژا ١٢ێ نیسانا دەربازبووی ئەمیرێ کۆمەلا ئیسلامی د کۆنفڕانسەکا ڕۆژنامەڤانی دا ڕاگەهاند" کابینەیا نەهێ  شایستێ وێ یەکێ نیە کۆمەلا ئیسلامی پشکدار بیت و ژبەر کو گەلەک نەمایا ئەڤ کابینەیە دناڤبەرا وان سێ ئالیان دا بمریت."

ئەمیرێ کۆمەلا ئیسلامی ڕاگەهاند بوو" د نها دا پشکداریکرنا کۆمەل د حکومەتێ دا خێر تێدا نەمایە و وان پێ باشە پشکداریی تێدا نەکەن".

دوهی شاندا پارتا دیموکراتا کوردستانێ ب سەرۆکایەتیا مەسرور بارزانی یێ ئەرکدار بۆ پێکئینانا حکومەتێ سەرەدانا یەکێتی و گۆڕان وسۆشیالیستێ کر، ب مەرەما پێکئینانا کابینەیا نوو یا حکومەتێ دا.

١٢ێ ڤێ مەھێ مەسرور بارزانی ژ ئالیێ نێچیرڤان بارزانی سەرۆکێ ھەرێمێ بۆ پێکئینانا حکومەتێ د دەمێ ٣٠ ڕۆژان دا ھاتە ئەرکدارکرن، لێ ھەیا نھا نەزەلالە دێ کاریت ل وی دەمی دا حکومەتێ پێکبینیت یان نە، ھەر چەند تەکەز ل وێ یەکێ کر کو بزاڤا وێ یەکێ دکەت بەریا وی دەمی ناڤێ وەزیران پێشکێشی پاڕلەمانی بکەت.

س.ع