سەرنووچە:

یەکێتی: گۆتنێت مەحمود سەنگاوی دەبڕینێ ژ سیاسەتا مە ناکەت

فۆتۆ: 
2019-06-18

2240 جار خوێندراوەتەوە

پشتی گۆتنێت مەحمود سەنگاوی، لەتیف شێخ عومەر دڕونکرنەکێ دا بەحسا وێ یەکێ کر، " ب هەموو ئالیەکی ڕادگەهینین، گۆتنێن هەڤال مەحمود سەنگاوی کو هاتیە بەلاڤکرن، دەربڕینێ ژ هەلوێست و سیاسەتا یەکێتی یا نیشتیمانی ناکەت.

دڕونکرنێ دا هاتیە، "ب هەموو ئالیەکێ ڕادگەهینین، گۆتنێت هەڤال مەحمود سەنگاوی دەربڕینێ ژ چ هەلوێست و سیاسەتا یەکێتی یا نیشتیمانیا کوردستانێ ناکەت".

ئەو یەک ژی هاتیە، " زێدەباری وێ یەکێ کو مە ڕێزا تایبەت بۆ کاک مەسعود بارزانی هەیە و پەیوەندیەکا دیرۆکێ یا هەڤالینیێ مە ب هەڤڕا کۆمدکەت، نها ژی ب خۆشحالیەڤە بهەڤرا دێ پێنگاڤان بۆ بهێزکرنا وێ پەیوەندیێ دەن و هەر دوهی ژی د کەڤانێ جڤینا شاندا دانوستکرا هەر دوو ئالیان دا، تەکەز لسەر دروستکرنا ڕەوشەکا ئارام و هەڤالینیێ دا هاتەکرن، هەیا کو بکارن بهەڤڕا و ب ئێک دەست ڕووبڕوویێ مەترسیان ببن، لەزێ بکەین بۆ تەمام کرنا پرۆسەیا پێکئینانا کابینەیا نەهـێ یا حکومەتا هەرێما کوردستانێ، د چارچۆڤەیێ ڕێکەفتنێن د ناڤبەرا مە دا".

د داویا ڕونکرنێ دا هاتیە، " دووبارە تەکەز دکەین، کو تنێ داخویانی و گۆتنێت پەیڤدارێ ڕەسمی یێ یەکێتیێ دەربڕینێ ل نەرین و بۆچوون وهەلوێستێ یەکێتی یا نیشتیمانیا کوردستانێ دکەت"

ئەڤە ژی د دەمەکێ دایە ئەڤرۆ مەحمود سەنگاوی، ئەندامێ مەکتەبا سیاسی یەکێتیێ ڕاگەهاند، پێدڤی بوو قوباد تالەبانی ڕێوڕەسما سویندخوارنا نێچیرڤان بارزانی دەرکەفتبا، و هێرشێن دژوار ژی کرنە سەر مەسعود بارزانی و دبێژە مە چ رێگری نینە هەیا کو ئیدارەیا خۆ جودا بکەن.

س.ع