سەرنووچە:

مەحمود سەنگاوى: پێدڤیبوو قوباد تالەبانى د ڕێورەسما سویندخوارنا نێچیرڤان بارزانى دا دەرکەفتبوو

هێرشێن دژوار دکەتە سەر بارزانی
فۆتۆ: 
2019-06-18

5524 جار خوێندراوەتەوە

ئەندامەکێ مەکتەبا سیاسی یا یەکێتیێ ڕاگەهاند، پێدڤیبوو قوباد تالەبانى د ڕێورەسما سویندخوارنا نێچیرڤان بارزانى دا نەمابوو و هێرشێن دژوار دکەتە سەر مەسعود بارزانى و دبێژیت چ ڕێگریەک د وێ چەندێ دا نینە کو ئیدارەیا خۆ جوودا بکەن.

مەحمود سەنگاوی د گوتارەکێ دا د دەما ڕێوڕەسما ڕێزلێنانا پێشمەرگەیێن دێرینێن حزبا خۆدا، دبێژیت ژبەر خاترا میلەتی وان گەلەک تشت ل پارتی قەبوولکرنە، لێ ژ ئەڤرۆ پێدا نە سڤکاتیێ قەبوولدکەن و نە خۆ ژ پارتی بچیکتر دبینن، بەلکو خەبات و ماندوبوونا یەکێتیێ سەردای پارتی یە.

ب گوتنا مەحمود سەنگاوی، "ئەو توهمەتبار و خۆفرۆشێن کو پێشمەرگە ڕادەستی بەعس دکرن د نها دا ل دەف مەسعود بارزانینە و ئەو ژی شەرم ناکەت کو خۆ ژ یەکێتیێ مەزنتر دبیینیت".

رەخنەیێن مەحمود سەنگاوی زێدەتر ئاراستەی مەسعود بارزانینە و دبێژیت، "ئەگەر نەیێ بچیکبووایە پشتی وەغەرکرنا جەلال تالەبانی و نەوشیروان مستەفا دا دەستان ژ پارتی بەردەت و دابێژیت کو سەرۆکێ کوردانە و چ ئاریشە هەنە وەرنە دەف من".

تەکەزکر ژی، کو بارزانی نەکاریە سەرکرداتیا کوردان بکەت.

دەربارەی دوو ئیدارەیێ مەحمود سەنگاوی، هۆشداری دا ئەگەر سیاسەتا پارتی هەر ب ڤی ڕەنگی بیت چ ڕێگری نینە ژ وێ یەکێ ئیدارەیا خۆ جودا بکەن و نەفت و غازا خۆ بفرۆشن.

هەروەسا ڕەخنە ژ قوباد تالەبانی دگریت و دبێژیت، دڤیابا ڕێوڕەسما سویندخوارنا نێچیرڤان بارزانی بجیهێلابا، ژبەر پشتگوهخستنا ڕۆل و خەباتا جەلال تاڵەبانی.

س.م