سەرنووچە:

فەیسبووک دێ نووکاریێ د شێوەیێ کۆمێنتان دا کەت

فۆتۆ: 
2019-06-16

284 جار خوێندراوەتەوە

کۆمپانیا فەیسبووکێ یا ئەمریکى ئاشکرا کر، دێ نووکرنەکێ د ڤێ تۆرا جڤاکى دا کەت ب مەرەما باشترکرن و رێکخستنا کۆمێنتان.

رۆپەلا دەیلى ستار ئاماژە کر، ئەڤ نووکرنە دێ چیتە بیاڤێ جێبەجێ کرنێ دا ، دێ لسەر بنەمایێ دیار کرنا وان کۆمێنتان بیت کو پێتڤیە ل پلەیا یەکێ دا دەرکەڤن و هەروەسا هەمى کومێنت دەرنەکەڤن.

فەیسبووکێ د هەژمارا تایبەت یا خۆ ئاماژە کریە، هەمى دەمەکێ کار دکەن کو خەلک دەمەکێ ب مفا لسەر فیسبووکێ بسەر ببەن، بۆ ڤێ مەرەمێ ژى دێ پشت ب رێکێن وەکى رێکخستنێ گرێدەین، ئەو پۆست و کۆمێنتێن تایبەتن ب کەسێ نێزیک د ئەکوانتێ وى دا زێدەتر دەربکەڤن.

هەروەسا نڤیسیە، ئەڤرۆ دێ بزاڤێ کەین نووکاریێ بکەین بۆ رێکخستنا کۆمێنتان لسەر پەرەیێ سەرەکى ، مە دڤێت زەلال بکەین کو ئەڤە چار دکەت و چاوا بشێن پەرە و کەسان کۆنترۆلا کومێنتێن تایبەت یێن خۆ بکەن.

فیسبووک وەسا دبینیت کو سیستەمێ رێکخستنێ پێتڤیە بۆ وان پەرە و کەسان کو بهزاران فۆلۆوەر هەنە ، کو یارمەتیا وى کەسى ددەت بساناهە بشێت کومێنتێن پێتڤى ببینیت.

ئەڤ سیستەمێ نوو دێ گرنگ بیت بۆ کەسێن بناڤودەنگ و براندێن جیهانى کو هزاران کومێنت بۆ دهێنە نڤیسین، ژ بۆ کو وان کومێنتێن مەبەستە د ناڤا هزاران کومێنتان دا ببینن.

م.س