سەرنووچە:

ئاکرێ.. فەرمانا دەستەسەرکرنێ بۆ کەسێن تەقەکرین ژ هەردوو عەشیران هاتە دەرکرن

فەرمانا دەستەسەر کرنا تەقەکەران دەچوویە
فۆتۆ: 
2019-06-16

776 جار خوێندراوەتەوە

دیجیتال میدیایا ئێن ئار تى، ئاکرێ، شیکران زێبارى

ل قەزا ئاکرێ فەرمانا دەستەسەرکرنێ بۆ کەسێ کو تەقە ل قوتابیەکێ کریە و کەسێن تەقەکرین ژ هەردوو عەشیران هاتە دەرکرن.

نووچەگەهانێ ئێن ئار تى راگەهاند، ل قەزا ئاکرێ ژ ئالیێ دادگەهێ ڤە فەرمانا دەستەسەرکرنێ بۆ کەسێ کو تەقە ل قوتابیەکێ کریە و کەسێن دەستپێشخەر بوونە د تەقەکرنێ دا ژ هەردوو  عەشیران هاتە دەرکرن.

هەروەسا دا زانین ، ل سپێدەهیا ئەڤرۆ ژ ئالیێ هێزێن زێرەڤانیێ ڤە ١٢ پێشمەرگە ژ عەشیرەتا هەرکیان هاتبوون داخوازکرن لێ ل ئێڤاریێ هاتن ئازادکرن ب سەدەما کو د دەما وان هێزان ڤیان شەرێ د ناڤبەرا وان دوو عەشیران دا کۆنترۆل بکەن تەقە ژ هەمەرێن هێزێن وان کربوون.

ژ ئەنجامێ وی شەڕێ کو دوهی ل گوندێ باژێرەی یێ سەر ب قەزا ئاکرێ د ناڤبەرا دوو مالباتان دا ڕوودای حەفت کەس ژ هەردوو ئالیان برینداربوونە، زارۆکەک کو خەلکێ گوندێ چەمەرزنی یێ نێزیک گوندێ باژێڕەی د ئەنجاما وی شەڕدا گولەیەک بەر سەرێ وی کەفتیە و برینداربوویە، بۆ نەخۆشخانەیا تەنگاڤیا یا دهۆکێ هاتیە ڤەگوهاستن.

هەڤدەم، ڕێژەیا برینا دوو ژ برینداران ٥٠%ێ بوویە و هەردوو بۆ نەخۆشخانەیێن دهۆک و هەولێرێ هاتینە ڤەگوهاستن کو یەک ژ وان ئافرەتە، هەر د شەڕی دا سێ کەسێن دی ب سڤکی بڕینداربووینە، د نها دا ل بن چاڤدێریا نۆژداران دانە، ڕەوشا وان یا باشە.

ئەڤە ژی دەمەکێ دایە، ئێڤاریا دوهی پێنجشەمبیێ (١٣ێ هەزیرانا ٢٠١٩ێ) بسەدەما بریندارکرنا قوتابیەکێ پۆلا ١٢ێ ئامادەیی ل دهۆکێ، کو لسەر ئاریشەیەکا جڤاکی یا ناڤبەرا دوو مالباتان ژ عەشیرەتا هەرکی و زێباریان بوویە، ل گوندێ باژێڕەی یێ سەر ب قەزایا ئاکرێ شەڕەتەقە د ناڤبەرا هەردوو مالباتان دا دروستبوو.

م.س