سەرنووچە:

ئێن ئاڕ تی ناڤێ بەربژارێن یەکێتیێ بۆ کابینەیا نوو ئاشکرا دکەت

فۆتۆ: 
2019-06-16

3440 جار خوێندراوەتەوە

دیجیتال میدیایا ئێن ئاڕ تی، سلێمانی،  کارزان تاریق

لگۆری زانیاریێن بدەست کەفتین، دیجیتال میدیایا ئێن ئاڕ تی ناڤێ بەربژارێن یەکێتیێ بۆ کابینەیا نوو یا حکومەتا هەرێمێ ئاشکرا دکەت.

چاڤکانیەکێ ژ سەرکرداتیا یەکێتیێ کو نەخواست ناڤێ وی بهێتە ئاشکراکرن بۆ دیجیتال میدیایا ئێن ئاڕ تی ڕاگەهاند، قادر حەمەجان بەربژارێ یەکێتیێ دبیت بۆ جێگرێ سەرۆکێ ھەرێمێ، قوباد تاڵەبانی بەربژارێ جێگرێ سەرۆکێ حکومەتێ و ڕێواز فایەق بەربژارا سەرۆکا پەڕلەمانی دبیت.

هەڤدەم، حەمەی حەمە سەعید بەربژارێ یەکێتی دبیت بۆ وەزیرێ ڕۆشنبیریێ، دەرباز کۆسرەت ڕەسوڵ بۆ وەزیرێ پلاندانانێ، مستەفا چاوڕەش وەزیرێ پێشمەرگە و یوسف گۆران وەزیرێ خواندنا بلند دبیت.

وی جاڤکانی دیارکر ژی، "دوو وەزیر ژی دیار نینە، وەزیرێ چاندنێ و وەزیرێ پەیوەندیان دگەل حکومەتا عێراقێ ئەو ژی لسەر وێ یەکێ مایە کو دێ دەستهلاتا وی وەزیری چ بیت و پشتڕا دێ هێتە دانان".

دەربارەی سەرەدانا شاندا پارتی ڕاگەهاند، "ئەم نەگەهشتینە وێ قۆناغێ بەربژاران بدەینە پارتی، ژبەر کو بابەتێ کەرکوکێ ناڤبەرا مە دا هەیە و د لهەڤهاتنا مە یا دگەل پارتی دا هاتیە نڤیسین هەڤتەریب دگەل پێکئینانا حکومەتێ کار بۆ دانانا پارێزگارێ کەرکوکێ بهێتە کرن".

زەلالکر ژی، "جاڤەڕێی موبادەرەیا پارتینە دەربارەی وێ یەکێ و دیڤدا ئەم ژی دێ موبادەرە کەین و هەڤکاریا وان کەین د دروستکرنا حکومەتێ دا".

ئەو یەک ژی دازانین، "مەسرور بارزانی ئەڤڕۆ سیڤی ل پارتی وەرگرتیە، بڕیارە ل دەما هاتنا وی بۆ سلێمانیێ ئەم ژی سیڤی بدەینێ، لێ مەکتەبا سیاسی لژنەیەک دروستکریە بۆ پێشوازی ل مەسرور بارزانی و شاندا وی و گوتنە وان د جڤینێ دا بزانن موبادرەیا وان چیە بۆ پارێزگارێ کەرکوکێ، ژبەر کو ئەم پشکداربووین د دەنگدان بۆ دیارکرن و ئەرکدارکرنا مەسرور بارزانی، فەرموو بزانین ئەو چاوا دێ هێنە پێش بۆ دانانا ناڤەکێ بۆ پارێزگارێ کەرکوکێ".

س.م