سەرنووچە:

نووترین ئامارا شەوتینا دەخلودانێ جووتیاران هاتە بەلاڤکرن

فۆتۆ: 
2019-06-15

287 جار خوێندراوەتەوە

بەڕەڤانیا شارستانیا عێراقێ ڕاگەهاند، د دەمێ کێمتر ژ مەهەکێ  ل سەرتاسەری عێراقێ دا زێدەتر ژ ٤٦ هزار دۆنمێن دەخلودانی شەوتینە.

ڕێڤەبەریا گشتی یا بەڕەڤانیا شارستانیا عێراقێ د ڕاگەهاندنەکێ دا دیار کر، ل ٨ێ مەها دەربازبوویی هەیا ١٤ێ ڤێ مەهێ ل سەرتاسەری عێراقێ دا ٣٠٣ بوویەرێن ئاگر کەفتنێ هاتینە تۆمارکرن.

دازانین ژی، د دەمێ کێمتر ژ مەهەکێ دا ٤٦ هزار و ٣٩٦ دۆنم دەخلودان شەوتینە و یەک ملیۆن و ٥٩٣ هزار و١٢٠ دۆنم ژ شەوتینێ هاتنە ڕزگار کرن.

هەڤدەم پاڕلەمانێ عێراقێ لێژنەیەک بۆڤەکۆلین ل ئامارێن زرارێن شەوتینا دەخلودانێن جوتیاران ل تەڤایا دەڤەرێن عیراقێ پێکئینایە و ڕاگەهاند، پێدڤیە حکومەت قەرەبوویا جوتیارێن کو زرار پێ کەفتینە بهێنە کرن.

د دەمێ دەربازبووی دا و بەریا وەزرێ دروینێ ل دەڤەرێن جودایێن عێراق و هەرێما کوردستانێ ب هزاران دۆنمێن چاندنیێن ب دەخلودانێن جوتیاران شەوتینە و هاتینە شەوتاندن و هەیا نها ژی بەردەوامە و زێدەترین زرار ژی بەر جهێن ئاریشە لسەر کەفتنە.

س.ع