سەرنووچە:

وێنە.. عادل عەبدولمەهدی سەردانا جهێ کۆمکوژیا سپایکەر کر

فۆتۆ: 
2019-06-15

1090 جار خوێندراوەتەوە

عادل عەبدولمەهدی سەرۆک وەزیرێن عێراق ئەڤرۆ شەمبیێ سەردانا جهێ کۆمکوژیا سپایکەر ل پارێزگەها سەلاحەدین کر، کو بۆ دەما پێنج سالانە ب سەر وێ بوویەرێ دا دەربازبوونە و راگەهاند، رێکێ نادەن داعش بێهنا خۆ هەلکێشیت.

نڤیسینگەها عەبدولمەهدی ئەڤرۆ شەمبیێ بەلاڤکر ، سەرۆک وەزیران سەرەدانا سپایکەر کریە ، کو چەندین وێنە و پۆستەرێن کوشتیێن بوویەرێ بخۆڤە دگریت و راگەهاند، " بزاڤا بهێز و بەردەوام هەیە بۆ یەکئالى کرنا دۆسیەیا کۆمکوژیا سپایکەر و پشتراستى دا ژ پاراستنا خێزانێن شەهید و بێسەروشینان".

ل جهێ بوویەرێ سەرۆک وەزیران داخواز ژ هێزێن ئەولەکاریێ کر، ئاگەهدار  و هوشیار بن و دەزگەهێن ئیستیخباراتیێ بێخنە کار بۆ بنبرکرنا چەکدارێن داعش، کو هێشتا دخوازن خەلکێ سڤیل بکەنە ئارمانج و رێکێ نادەن داعش بێهنا خۆ هەلکێشیت.

ئاماژە ژى کر، پەهلەوانى و قوربانیدانا عێراقیان بوو، مە سەرکەتن ل دژى داعش تۆمارکر و گوت، " ب دلەکێ گران لێ ب سەر بلندى ئەڤرۆ ل ڤى جهى راوەستیاینە ، کو ئەو تاوانێن هوڤانە تێدا ئەنجام دانە ژ ئالیێ چەکدارێن داعش ، کو ب سەدان گەنجێن بێ تاوان کوشتن".

هەڤدەم، پەسنا فتوایا جیهادى یا کیفایەیا عەلی سیستانی مەرجەعێ بلند یێ شیعەیێن عێراقێ ژى کر، کو ب ملیۆنان کەس ژ گەنجێن عێراقێ بەرسڤا وى دان و دوماهى ب داگیرکەریا داعش ئینا.

سالا ٢٠١٤ێ چەکدارێن داعش دەست گرت ب سەر باژارێ تکریت و کەمپا سپایکەر یا لەشکەریا وى باژارى ، کو هزار و ٧٠٠ لەشکەر تێدابوون ، لێ لەشکەر نەشیان دەربازبن و پشترا کەفتنە دەستێ داعش و کۆمکوشکرن و چەند دیمەنێن ڤیدیویێن دەما کوشتنا وان بەلاڤکرن.

م.س

 

ربما تحتوي الصورة على: ‏‏شخص واحد‏، و‏‏‏‏وقوف‏، و‏نشاطات في أماكن مفتوحة‏‏ و‏ماء‏‏‏‏

ربما تحتوي الصورة على: ‏‏‏٥‏ أشخاص‏، و‏‏أشخاص يقفون‏‏‏

ربما تحتوي الصورة على: ‏‏شخص واحد‏، و‏‏نشاطات في أماكن مفتوحة‏‏‏

ربما تحتوي الصورة على: ‏‏‏شخص أو أكثر‏ و‏نشاطات في أماكن مفتوحة‏‏‏