سەرنووچە:

چەند گولـلە هاوەنەک ئاراستەى بنگەهێ ئارتێشا ئەمریکا ل عێراقێ هاتنە کرن

فۆتۆ: 
2019-06-15

357 جار خوێندراوەتەوە

شانەیا راگەهاندنا شەر یا عێراقێ ئاشکرا کر، درەنگیا شەڤا دەربازبوویى ، چەند گولـلە هاوەنەک ل پارێزگەها سەلادین یا باکورێ بەغدا کەفتنە خوار، کو هێزێن ئەمریکا و بالەفرێن ئێف ١٦ێ تێدا هاتینە بنەجهکرن.

شانەیا راگەهاندنا شەر ئەڤرۆ ١٦ێ هەزیرانا ٢٠١٩ێ ل پەرەیێ خۆ د تورا جڤاکیا فەیسبووکێ بەلاڤکریە، سێ گولـلە هاون ل بنگەهێ ئەسمانیێ بەلەد کەفتنە خوار کو دکەفیتتە ٦٤ کیلۆمەتر ل باکورێ بەغدا پایتەخت دوورە.

لگۆر راگەهاندنێ هێرش بوویە سەدەما ئاگر کەتنێ ل پیش و زەڤیێن دەورووبەرێن وێ بنگەها ئەسمانى و پشتى دەمەکێ بێ چ زرارەکێ ئاگر هاتە کۆنترۆلکرن.

د مەها نیسانا دەربازبوویى دا ب سەدەما کەتنا گولـلە کاتیۆشەکێ نێزیک بالیۆخانا ئەمریکا ل دەڤەرا کەسکا بەغدا، ئەمریکا رەوشا نەئاسایى ل لە باڵیۆزخانە و کونسوڵگەریێ ل عێراق و هەرێما کوردستانێ راگەهاند و فەرمانکر بەشەک ل کارمەند و خێزانێن وان عێراق و هەرێمێ بجهبهێلن.

د وى دەمى دا هەیا نها راگەهاندنا رەوشا نەئاسایى ل بالیۆزخانا ئەمریکا دهێتە پەیرەوکرن.

م.س