سەرنووچە:

فەرەنسا: عێراقێ بۆ دادگەهکرنا بیانیێن داعش داخوازا پارەى نەکریە

فۆتۆ: 
2019-06-14

196 جار خوێندراوەتەوە

وەزارەتا دەرڤە یا فەرەنسا رەتکر ، ل هەمبەر دادگەهکرنا چەکدارێن بیانیێن داعش ل عێراقێ ژ ئالیێ بەرپرسێن عێراقێ ڤە داخوازا پارەى ژێ هاتبیتە کرن.

ئاگنێس ڤین دێر مول پەیڤدارێ دەرڤەیێ فەرەنسایێ بۆ میدیایان راگەهاند، فەرەنسا دێ رێزێ ل سەروەریا عێراقێ گریت لسەر دادگەهکرنا چەکدارێن بیانیێن داعش  کو شیانێن خۆ بۆ دادگەهکرنا وان دیار کریە.

ئەڤە ژى پشتى وێ یەکێ هات، ڕۆژنامەیا لۆ فیگارۆیا فەڕەنسى، رۆژا حەفتێ ڤێ مەهێ بەلاڤکر، عێراقێ داخوازا یەک ملیۆن دۆلاران ل هەمبەر سەپاندنا سزایێ بدارڤەکرنێ ب سەر هەر چەکدارەکێ بیانى یێ داعش دا کریە ، هەروەسا ٢ ملیۆن دۆلار ژى ل هەمبەر سزایێ زیندانکرنا هەردەمى یا هەر توهمەتبارەکێ فەرەنسى یێ داعش.

م.س