سەرنووچە:

باندۆرا شەر ل سەر ئالیێ دەروونى یێ وەلاتیێن عێراقێ چ بوویە؟

فۆتۆ: 
2019-06-13

193 جار خوێندراوەتەوە

رێکخراوا ساخلەمیا جیهانى د راپۆرتەکێ دا ئاماژە کریە، ئەو کەسێن ئاکنجیێن دەڤەرێن شەرن ژ کۆما هەر پێنج کەسان کەسەک تووشى نەخوشیێن دەروونى بوویە.

د راپۆرتا رێکخراوا ساخلەمیا جیهانى دا بەحسا بندۆرا شەرى د دەما ١٠ سالێن دەربازبوویى ل وەلاتێن عێراق، سوریا، سودانی باشوور، یەمەن و ئەفغانستانێ کریە و راگەهاندیە، ئەو کەسێن د وان وەلاتان دا دژین تووشى نەخوشیێن دەروونى ، کەسایەتیا دوو جەمسەرى (بایپۆلار)، خەمۆکی، ترس و شیزۆفرینیا بوونە.

ئەو یەک ئاشکرا کر، نەخوشى ب سەر سێ ئاستان دا ( سڤک، ناڤەند، دژوار) دابەش بوونە، ب جورەکێ %٥ێ کەسێن ئاکنجیێن دەڤەرێن شەر توشى نەخشیا دەروونیا دژوار بوونە.

دایە زانین ژى، ئەو کەسێن ب سەدەما شەر و ئالوزیان توشى خەمۆکى و ترسێ بوونە دگەل زێدەبوونا تەمەنێ وان نەخوشیا وان دژوارتر بوویە  و نەخوشیا خەمۆکى و ترسی د ژنان دا زێدەترە ژ زەلامان.

بەحسا وێ یەکێ ژى کریە، ئەو کەسێن ب سەدەما شەر توشى رەوشەکا خراب بوونە زێدە پێتڤى ب چارەسەریا دەروونى هەیە .

د سالا ٢٠١٦ێ دا هەژمارا شەر و ئالوزیان د جیهانێ دا د بلنترین ئاست دابوویە ب جورەکێ ژ %١٢ێ یا تەڤاهیا ئاکنجیێن جیهانێ د دەڤەرێن شەر تێدا ژیان ب سەر برینە.

م.س