سەرنووچە:

ئەردۆغان: دێ ل مەها داهاتی سیستەمێ ئێس ٤٠٠ ژ ڕوسیا وەرگرین

دەمەکێ دا ئەمریکا داخوازا پەشیمانبوونێ کریە
فۆتۆ: 
2019-06-13

324 جار خوێندراوەتەوە

ڕەجەب تەیب ئەردۆغان سەرۆک کۆمارێ تورکیا ڕاگەهاند، دێ ل مەها داهاتی سیستەمێ ئێس ٤٠٠ ژ ڕوسیا وەرگرن.

دیارکر ژی، تەڤاهیا ڕێکارێن وەرگرتنا سیستەمێ ئێس ٤٠٠ دگەل ڕوسیا تەمامبوونە و پەشیمانابن ژ وێ پێنگاڤا خۆ، دێ ل مەها داهاتی ژی سیستەمی وەرگرن.

ئەڤە ژی دەمەکێ دایە، ئەمریکا د نووترین هەلویستێ خۆدا دەربارەی ئەگەرا وەرگرتنا مووشەکا ئێس ٤٠٠ یا ڕوسی ژ ئالیێ تورکیا ڤە دازانین، داوی مۆلەت بۆ پەشیمانبوونێ تیرمەها داهاتیە، ژبەر کو پاراستنا پەیوەندیێن ئەنقەرە و واشنتۆنێ و هەتا ناتۆیێ ژی دئێخیتە مەترسیێ دا.

پاتریک شاناهان وەزیرێ بەڕەڤانیا ئەمریکا ب وەکالەت ڕاگەهاند، گرێبەستا کڕینا مووشەکا ئێس ٤٠٠ یا ڕوسی ژ ئالیێ تورکیا ڤە دێ مەترسیێ لسەر پاراستنا هەڤکاری و پەیوەندیا ناڤبەرا واشنتۆن و ئەنقەرەیێ دروست کەت، دێ ب هەموو ئاوایان تورکیا ژ وەرگرتنا بالافڕێن ئێف ٣٥ بێبەهر کەت.

تەکەز کر ژی، هەردوو پارتێن کۆماری و دیموکرات، لگۆڕی یاسایا دژایەتیکرنا دوژمن و نەیارێن ئەمریکا، ڕژدن لسەر سەپاندنا سزایان بسەر تورکیا دا، ئەگەر هاتوو ئەنقەرە وی سیستەمە وەرگریت.

س.م