سەرنووچە:

بالافڕێن تورکیایێ بەنزینخانەیەک ل نێزیک سەنتەرێ ئامێدیێ بۆمبەباران کر

تڕۆمبێلەکا پەکەکێ کریە ئارمانج
فۆتۆ: 
2019-06-12

1638 جار خوێندراوەتەوە

دیجیتال میدیایا ئێن ئاڕ تی، ئامێدی، نیهاد ئۆرەماری

بالافڕێن شەڕ یێن تورکیایێ بەنزینخانەیەک ل نێزیکی سەنتەرێ قەزا ئامێدیێ بۆمبەران کرن.

نووچەگەهانێ دیجیتال میدیایا ئێن ئاڕ تی ل ئامێدیێ ڕاگەهاند، نێزیک دەمژمێر شەشێ ئێڤاریا ئەڤڕۆ بالافڕێن شەڕ یێن تورکیایێ بەنزینخانەیا ئامێدیێ ل نێزیکی سەنتەرێ قەزا ئامێدیێ بۆمبەران کر.

دیارکر ژی، بۆمبەباران ل سەر ڕێکا سەرەکی یا ناڤبەرا ئامێدی و سۆلاڤێ ل نیزیک لقا ١٨ یا پارتیا دیمۆکراتا کوردستانێ بوویە، پرۆژەیێ ئاڤا ستراتیژیا ئامێدیێ ب تەمامی ژکارئێخستیە.

هەوروەسا دازانین، پشتی ١٠ خولەکان جارەکا دی بالافڕان ڕێکا سەرەکی یا ئامێدیێ ل ئاشکە دێرێ بۆمبەباران کر و ڕێک ب تەمامی هاتیە گرتن.

ئەو یەک ژی ڕاگەهاند، دیڤدا بالافڕان سنورێ گوندێ سەرگەلێ یێ گرێدایی قەزا ئامێدیێ ژی بۆمبەباران کرن، ئاگر ب پیش و پاوانێن دەڤەرێ کەفت.

نووچەگەهانێ ئێن ئاڕ تی گوت ژی، د بۆمبەرانا گوندێ سەرگەلێ دا تڕۆمبێلەکا گەریلایێن پەکەکێ کریە ئارمانج، هەیا نها زیان نەهاتنە زانین.

بەحسا وێ یەکێ ژی کر، ژبلی زیانێن ماددی چ زیانێن گیانی نەبوونە و ئەڤە یەکەمجارە ب ڤی ڕەنگی نێزیک سەنتەرێ باژاڕی دهێتە بۆمبەباران کرن، تنێ کیلۆمەترەکێ ژ سەنتەرێ قەزایێ دووربوویە، ڤێ یەکێ ژی ترسەکا زێدە ل دەف ئاکنجیێن دەڤەرێ پەیداکریە.

س.م