سەرنووچە:

فەرید ئەسەسەرد: پارتى هەمى بەربژارێن یەکێتى بۆ پارێزگارێ کەرکوکێ رەتکرینە

فۆتۆ: 
2019-06-12

186 جار خوێندراوەتەوە

ئەندامەکێ جڤاتا سەرکرداتیا یەکێتیێ راگەهاند، " پارتى هەمى ئەو ناڤ رەتکرینە کو یەکێتیێ بۆ پارێزگارێ کەرکوکێ ب وان داینە ، لێ بێ هیڤى نەبووینە کو بگەهینە ناڤەکێ دیار کرى".

فەرید ئەسەسەرد د چاڤپێکەفتنەکێ دا دگەل دەنگێ ئەمریکا ئاماژە ب دوماهیک وى ناڤى کر کو یەکێتی بۆ پۆستێ پارێزگارێ کەرکوکێ دایە پارتى کو هەر یەک ژ خالد شوانى و لیوا جەمالن، ژ بۆ کو ل سەر یەک ژ وان دوو ناڤان رێککەڤن.

بەحسا وێ یەکێ ژى کر، " ئەو ناڤێن مە پێشکێش کرین هەمیان ب هەژى دبینین، لێ مە بزاڤ کرینە کەسەکێ هەلبژێرین ب دلێ هەردوو ئالیان بیت".

زەلال ژى کر، " دەمەک ل هەمبەر مە بۆ رێککەفتنێ هەیە ، لێ ئەگەر رێک نەکەڤین دێ باندۆرەکا خراب هەبیت، رەنگە بگەهیتە وى رادەى نەشێین د حکومەتێ دا بەردەوام بین".

ب سەدەما پۆستێ پارێزگارێ کەرکوکێ یەکێتى بەشدارى روونشتنا پارلەمانێ کوردستانێ نەبوو، کو تێدا نێچیرڤان بارزانى وەکى سەرۆکێ هەرێمێ هاتە دیار کرن.

م.س