سەرنووچە:

عادل عەبدولمەهدی: شەوتینا دەخلودانێ عێراقێ حالەتەکێ سروشتى یە

هەیا نها ٢٧٣ حالەت هاتنە تۆمارکرن
فۆتۆ: 
2019-06-11

294 جار خوێندراوەتەوە

دەربارێ بوویەرێن ئاگرکەتنا دەخلودان و زەڤیێن چاندنێ یێن عێراقێ ، عادل عەبدولمەهدى سەرۆک وەزیرێن عێراقێ راگەهاند، حالەتەکێ سروشتیە.

عادل عەبدولمەهدی سرۆک وەزیرێن عێراقێ، ئەڤرۆ سێ شەمبیێ ١١ێ هەزیرانا ٢٠١٩ێ د کۆنفرانسەکا رۆژنامەڤانیا حەفتیانە یا خۆ دا راگەهاند، " ئەو ئاگرێن ل زەڤیێن دەخلودانى رووددەن، حالەتەکێ سروشتى یە".

هەروەسا گوت، " ئاگر کەتن حالەتەکێ سروشتى یە د هەمى جیهانێ دا نابیت بوویەر بهێنە مەزن کرن".

سەرۆک وەزیرێن عێراقێ ئاماژە ب وێ یەکێ کر، هەیا نها ٢٧٣ حالەتێن ئاگر کەتنێ هاتنە تۆمارکرن و نێزێکى ٤٠ هزار دۆنم یێن دەخلودان و بەرهەمێن چاندنێ ب وێ سەدەمێ شەوتینە.

 رۆژا ٩ێ ڤێ مەهێ بەرەڤانیا شارستانیا عێراقێ راگەهاندن، د دەما یەک مەها دەربازبووى دا ٢٧٢ حالەتێن ئاگرکەتنێ ل بەروبومێن چاندنێ هەبوونە ب وێ سەدەمێ ٣٧ هزار دۆنم یێن زەڤیێن دەخلودانى شوتینە.

م.س