سەرنووچە:

تورکیا ب توندی بەرسڤا بڕیارەکا ئەمریکا دا

فۆتۆ: 
2019-06-11

1464 جار خوێندراوەتەوە

وەزارەتا دەرڤە یا تورکیا بڕیارەکا ئەمریکا ڕەتکر لسەر کڕینا بالەفڕا " ئێف ٣٥" و ب گەفێن زۆرداریێ" بناڤکر.

د ڕاگەهاندنەکێ دا هاتیە، سیاسەتا دەرڤە یا تورکیایێ و سیستەما دادوەریێ ڕووبڕوویێ کرێتکرن و زۆرداریێ  بوویە ژ بەر کو وێ بڕیارێ چ بنەما نیە.

دازانین ژی، دەرکرنا بڕیارەکا بڤی ئاوای ناهێتە قبولکرن و بڤێ یەکێ ژی باوەری دناڤبەرا ئەمریکا و تورکیا زێدە نابیت.

بەریا نها ئەمریکا بڕیار دابوو مەشق و ڕاهێنانێن زێدەتر ب بالەفرڤان تورکیا لسەر بالەفرا شەر یا ئێف ٣٥ ڕابگریت، ب تایبەت پشتی کڕینا سیستەمێ بەرەڤانیێ  موشەکا ئێس ٤٠٠ یا ڕوسی ژ ئالیێ تورکیا ڤە.

ئەڤە ژی د دەمەکێ دایە، سەرۆک کۆمارێ تورکیا د دوماهیک داخویانی دا ڕاگەهاند، دەربارەی کڕینا سیستەما بەڕەڤانی ( ئێس-٤٠٠ یا ڕوسی) پەشیمان نابن  و د دەمێ دوو حەفتیێن دەربازبوویی دا، هژمارەکا سەربازان ب مەرەما مەشق و ڕاهێنان لسەر سیستەمێ بەڕەڤانیێ هنارتینە ڕوسیایێ.

س.ع