سەرنووچە:

سەرێ گورگەکێ هاتە دیتن کو ٤٠ هزار سالان بەریا نها ژیایە

فۆتۆ: 
2019-06-11

3500 جار خوێندراوەتەوە

سەرێ گورگەکێ ل بەرلێڤێن ئاڤێ یێن سیبیریا هاتیە دیتن کو ٤٠ هزار سالان بەریا نها ژیایە.

ئاژانسا نووچەیا ساینس ئەلێرت د نووچەیەکێ دا دیارکر، سەرێ گورگەکی پلیستۆسنی یا چەرخێ بەفرینێ ل بەرلێڤێن ئاڤێ یێن سیبیریا ل ڕوسیا ژ ئالیێ ئاکنجیێ گوندەکێ ڤە هاتیە دیتن.

درێژاهیا سەرێ وی گورگی ٤٠ سەنتیمەترە، ژ هەمی وان گیانداران جودایە ئەوێن کو زانایان ڤەکۆلین لسەر کرین.

زانایان بەحسا وێ یەکێ کریە، سەرێ ڤی گیانداری بەرۆڤاژیێ ڤەدیتیێن دی یە، مێژیەکێ ساخ و موویەکێ نەرم پێڤەمایە و ب سەدەما باندۆریا بەفرا دەڤەرێ هەیا نها پاراستی مایە.

د نها دا شونوارناسێن ڕوسیا و سوید و ژاپۆن، مژولی ڤەکۆلینێن زێدەترن لسەر سەرێ وی گورگی، دبێژن د دەمێ مرناوی دا تەمەنێ وی د ناڤبەرا دوو بۆ چار سالان دا بوویە و نێزکی ٤٠ هزار سالان بەریا نها ژیایە.

س.ع