سەرنووچە:

ژبەر ڤێ ڤیدیۆیێ ئێدی موقتەدا سەدر بەرهەڤی نڤێژا ئەینیێ دگەل دیڤکەفتییێن خۆ نابیت

ل مزگەفتا کوفە
فۆتۆ: ئەرشیڤ
2019-06-08

1155 جار خوێندراوەتەوە

ژێدەرەکێ نێزیک ژ موقتەدا سەدر سەرۆکێ ڕەوتا سەدر ڕاگەهاند، سەدر بڕیاردایە ئێدی بەرهەڤی نڤێژا ئەینیێ دگەل دڤکەفتیێن خۆ نەبیت.

سالح محەمەد عێراقی، کو یەکە ژ دیڤکەفتیێن نێزیکێن موقتەدا سەدر سەرۆکێ ڕەوتا سەدر، لسەر پەڕەیێ خۆ یێ تۆڕا جڤاکیا فەیسبوکێ ڕاگەهاندیە، "ژبەر ڕەفتارێن نەبەرپرسانەیێن هەژمارەکا بەرچاڤ یا دیڤکەفتیێن ڕەوتا وان، کو ب گوتنا وان عەشق و حەژێکرن بۆ ڕابەرێ خۆ د مزگەفتا کوفە دا نیشاندایە، موقتەدا سەدر بڕیاردایە ژ ئەڤرۆ پێدا بەرهەڤی مەراسیما نڤێژا ئەینیێ د مزگەفتا خۆدا نەبیت.

پشتی کو دوهی موقتەدا سەدر ژ گوتارا ئەینیێ د مزگەفتا کوفە دا تەمام دبیت، هەژمارەکا بەرچاڤ یا دیڤکەفتیێن وی بکۆم هێرشی سەر مینبەرا مزگەفتێ و جهێ گوتار دانا سەدری کرن و دەست ب ماچیکرنا شوون پێ و جهێ وی کرن.

زەلالکر ژی، بەشەک ژ بەرهەڤبوویێن مزگەفتا کوفە، خۆ ب تۆمارکرنا ڤیدیۆیێن سەدری مژوول کرنە، بێ کو ئاگەهداری گوتار و ئامۆژگاریێن ناڤبری و نڤێژێن خۆ بن.

عێراقی ئەو یەک ژی دازانین، ئەو بەرهەڤبوونە ژی وەسا هاتیە لێکدان کو نڤێژکەر بۆ وێنەگرتنا سەدر بەرهەڤبوونە نەک بۆ ئامۆژگاری و ڕێنمایێن وی، هەر ژبەر ڤێ یەکێ ژی بڕیاردایە ئێدی بەرهەڤی نڤێژا ئەینیێ ل مزگەفتا کوفە نەبیت.

ئاشکراکریە ژی، ژ ئەڤرۆ پێدا ڕابەرێ وان دێ د ڕۆژێن ئەینیێ دا گەشت کەت، ژبۆ کو بەرهەڤی د نڤێژا ئەینیێ دا واجب نەبیت و بەرهەڤبوونا وی نەبیتە سەدەما پەیدابوونا زرارێن شەرعی.

س.م