سەرنووچە:

عێراقێ رێژەیا هنارتن و داهاتێ نەفتا هاتیە فروتن یا مەها دەربازبووى بەلاڤکر

٧ ملیار دۆلار داهات بوونە
فۆتۆ: 
2019-06-01

171 جار خوێندراوەتەوە

وەزارەتا نەفتا عێراقێ راگەهاند، د مەها گۆلانا دەربازبووى دا ١١٠ ملیۆن بەرمیلێن نەفتا خاڤ بۆ دەرڤە هنارتنە و زێدەتر ژ ٧ ملیار دۆلار داهات بۆ خزینەیا دەولەتێ کومکرنە

د بەیاننامەکێ دا ئەڤرۆ شەمبیێ ١ێ هەزیرانا ٢٠١٩ێ عاسم جیهاد پەیڤداری نەفتا عێراقێ راگەهاند، د مەها گۆلانا دەربازبووى دا شیاینە ١١٠ ملیۆن ملیۆن بەرمیلێن نەفتێ بۆ دەرڤە هنارتنە، ب شێوەکێ د زەڤیێن نەفتێ یێن ناڤەراست و باشورێ شیاینە ١٠٦ ملیۆن و ٦٧٥ هزار و ٨٨١ بەرمیلێن نەفتێ بهنێرن، د دەمەکێ دا ل زەڤیێن کەرکوکێ بۆ  بەندەرا جەیهان یا تورکیا شیاینە ٣ ملیۆن و ١٦٦ هزار و ٢٦١ بەرمیل بهنێرن.

ئاماژە ب وێ یەکێ کر، ل زەڤیێن گەیارە یا نێزیک موسلێ ژى شیاینە، ٨٩٤ هزار و ٥٢٨ هزار بەرمیل دهێتە هنارتن.

ل گۆر بەیاننامەیا پەیڤدارێ وەزارەتا نەفتا عێراقێ د مەها گۆلانا دەربازبووى دا رۆژانە سێ ملیۆن و ٤٤ هەزار بەرمیل یێن نەفتێ بۆ دەرڤە هاتنە هنارتن، بەهایێ هەر یەک بەرمیلێ نەفتێ ٦٦ دۆلار و ٦٨ سەنت بوویە.

وەزارەتا نەفتا عێراقێ مەهانە رێژەیا هنارتن و داهاتێ نەفتا خاڤ بۆ بازارا وزەیێ بەلاڤدکەت.

م.س