سەرنووچە:

بۆ ڤەکۆلین لسەر ڕەوشا ئەولەهیا کەرکوکێ ​لیژنەیەک ل بەغدا سەرەدانا وی باژاڕی دکەت

فۆتۆ: 
2019-06-01

161 جار خوێندراوەتەوە

بڕیارە ئەڤرۆ شاندەکا لێژنەیا ئاسایش و بەڕەڤانیا پاڕلەمانێ عێراقێ بۆ ڤەکۆلین لسەر ڕەوشا ئەولەهی و سۆتاندنا زەڤیێن چاندنیێ یێن کوردان سەرەدانا وی باژاڕی بکەت.

نووچەگەهانێ دیجیتال میدیایا  ئێن ئاڕ تی ڕاگەهاند، بڕیارە ئەڤرۆ ئەو لێژنە سەرەدانا کەرکوکێ بکەت و د گەل ئیدارە و لێژنا ئەولەهیێ یا وی باژاڕی بجڤیت.

دیارکر ژی، پشترا لیژنەیا ئاسایش و بەڕەڤانیێ یا پاڕلەمانێ عێراقێ، دێ ڕاسپاردەیێن خۆ لسەر ڕەوشا ئەولەهیا باژاڕی و سەدەمێن سۆتنا دەخلودان و زەڤیێن چاندنیێ یێن جوتیارێن کورد ل دەڤەرێن ئاریشە لسەر ئاراستەیا حکومەتا فیدڕالی کەن.

ئەڤە ژی د دەمەکێ دایە، شەڤا ( ٣٠ی گۆلان)  شەش تەقین لسەر رێکا بەغدا  ل کەرکوکێ چێبوون، لگۆری ئاماران ژی دوو وەلاتیان گیانێ خۆ ژ دەستدان و٣٨ی برینداربوون.

 هەروەسا د دەمێ سێ حەفتیێن دەرباز بوویی دا،  پشکەک ژ زەڤیێن چاندنی یێن کوردان  ل دەڤەرێن ئاریشە لسەر ژ ئالیێن کەسێن نەناسکری ڤە هاتنە سۆتن، ڤێ یەکێ ژی کارڤەدان د ناڤخۆیا هەرێمێ دا لێکەفتن و داخواز ژ حکومەت و ئالیێن بەرپرس دکەن د هاوارا خەلکێ وان دەڤەران بچن کو زرار بەرکەفتینە.

س.ع