سەرنووچە:

ساخلەمیا عێراقێ دۆماهیک ئامارا قوربانیێن تەقینێن کەرکوکێ بەلاڤکر

فۆتۆ: 
2019-05-31

281 جار خوێندراوەتەوە

وەزارەتا ساخلەمیا عێراقێ ئامارا تەقینێن شەڤا دەربازبوویی یێن کەرکوکێ بەلاڤکر و ڕاگەهاند، دوو کەسان گیانێ خۆ ژدەست دانە و ٣٨ کەسێن دی ژی برینداربوونە.

سەیف بەدر پەیڤدارێ ساخلەمی یا عێراقێ د بەیاننامەیەکێ دا بەلاڤکریە، د تەقینێن کەرکوکێ دا دوو کەس هاتینە کوشتن و ٣٨ کەسێن دی ژی بریندار بوونە.

 د پشکەکا دی یا بەیاناما وەزارەتا ساخلەمیا عێراقێ دا هاتیە، هەیا نها ژی هەژمارەک  ژ برینداران دبن چاڤدێریا هوور دانە و پێدڤیە د نەخۆشخانەیێ دا بمینن.

وەزارەتا ساخلەمیا عێراقێ دازانین ژی، د دەمێ تەقینێن شەڤا دەربازبوویی دا، تەڤایا کارمەندێن فەرمانگەها ساخلەمیێ یا کەرکوکێ  بەرهەرڤبوونە، ژ بۆکو بشێن باشترین خزمەتگوزاریان ب ئاوایەکێ بلەز بدەنە برینداران. 

شەڤا دەربازبوویی شەش تەقینێن جودا لسەر رێکا بەغدا ل کەرکوکێ  ڕوودان، لگۆری ئامارێن نەفەرمی تا نها شەش وەلاتیان گیانێ خۆ ژدەست دانە و ١٩ کەسێن دی ژی بریندار بوونە.

موقتەدا سەدر سەرۆکێ ڕەوتا سەدر، لسەر تەقینێن کەرکوک هاتە دەنگ و داخواز ل حکومەتا عێراقێ کر، یان دەستێوەردانێ بکەت، یان رێکێ ب وان بدەن دەستێوەردانێ بکەن، پارێزگەها کەرکوکێ ژی وەک پارێزگەهەکا کارەساتبار بناڤکر.

س.ع