سەرنووچە:

حەشدا شەعبی رێک ب دەست بکاربوونا سەرۆکێ ​نوویێ زانینگەها کەرکوکێ نەدا

فۆتۆ: 
2019-05-30

235 جار خوێندراوەتەوە

هێزەکا چەکدارێن حەشدا شەعبی ریک نەدا سەرۆکێ نوویێ زانینگەها کەرکوکێ کو کوردە بچیتە سەرکارێ خۆ.

ئەمین عەزیز جێگرێ سەرۆکێ پشکا یاسایی یا زانینگەها کەرکوکێ بۆدیجیتال میدیا یا ئێن ئاڕ تی ڕاگەهاند،  پشتی فەرمانا وەزیر ب دانانا سەرۆکەکێ کورد  بۆ زانینگەها کەرکوک، وەسا بڕیار بوو ئەڤرۆ دەست بکاربیت.

دازانین ژی، لێ سەرۆکێ دویرخستیێ زانینگەهێ کو ناڤی عەباس تەقیە بەرهەڤ نەبوو پۆستا خۆبهێلیت، هیزەکا چەکدارێن حەشدا شەعبی هاتبوون د ناڤ زانینگەهێ دا و ریک ب سەرۆکێ نووێی زانینگەهێ کو کوردە، نەهات دان دەست بکار بیت.

دیارکر ژی،  د نهادە بزاڤ دهێنە کرن  ب رێکا وەزیرێ خاندنا بلند وئ ئاریشەیێ چارەسەر بکەن.

ئەڤ یەک ژی پشتی وێ یەکێ هات، دووهی وەزیرێ خاندنا بلند و ڤەکۆلینا زانستی یا عێراقێ د فەرمانەکا وەزاری دا سەرۆکێ زانینگەها کەرکوکێ ژ کارێ وی دویرخست و(سەباح ئەحمەد ئیسماعیل) کو کوردە، وەک سەرۆکێ نووێی زانینگەها کەرکوکێ ب وەکالەت دەستنیشانکر

س.ع