سەرنووچە:

مەلا بەختیار: دڤێت ب زووترین دەم جڤینەکا شێوەرمەندان د ناڤا حزبان دا بهێتە کرن

فۆتۆ: 
2019-05-26

220 جار خوێندراوەتەوە

بەرپرسێ دەستەیا کارگێریا مەکتەبا سیاسى یا یەکێتیێ د گازیکرنەکێ دا بۆ مەسعود بارزانى و کوسرەت رەسول و سەرۆکێن حزبان داخواز کر، دەربارێ مەترسیێن شەر د ناڤبەرا ئیران و ئەمریکایێ دا ب زووترین دەم جڤینەکا شێوەرمەندان د ناڤا حزبێن کوردستانێ دا بهێتە کرن و داخواز ژ حزبێن عێراقى ژى بهێتە کرن.

د گازیکرنێ دا مەلا بەختیار دازانین، " حەقە د ڤێ ئاریشەیێ دا، بۆ مەترسیا شەر د ناڤبەرا ئەمریکا و ئیرانێ دا، سیاسەتا خوە ب سیاسەتا بەغدایێ ڤە گرێدەین، لێ سیاسەتا بەغدایێ ژى نابیت ب بێ شێور د گەل بەرپرسێن کوردستانێ دا بهێتە سەپاندن، بەکى دڤێت ب راوێژ و ب بوچوونێن هەمى ئالیەکێ ستراتیج بهێتە دانان، نەکو بەغدا ل وێرێ بریارەکێ بدەت ئەم ژى ل ڤێرە بریارەکێ بدەین، یان ئەم ل ڤێرە بریارێ بدەین بێین مە شولەش بەغدایێ نینە!".

هەروەسا راگەهاند، " ئەگەر حزب و حکومەت و پەرلەمانێ کوردستان و پەرلەمانێ عێراقێ ، مە ب هەڤرا ستراتیجەک و پرۆژەیەک بۆ خوە دانا ، رژدبووین ل سەر، د وێ دەمێ دا ئەمریکا و بەریتانیا و جڤاتا ئاسایشێ دێ رێزێ لێگرن و ئیران و دەولەتێن دەردوورێ ژى دێ رێزێ لێگرن".

د بەشەکا دن دا دایە دیار کرن، " دڤێت هێزێن سیاسى یێن کوردستانێ پاشکەفتێ خوە یێ سیاسى هەبیت و ل سەر ئاستا عێراق و هەمى ئاستان رێکبکەڤن و د ناڤا کوردستانێ دا بۆ هەمى ئەگەرەکان حزبێن کوردستانى د گەل حکومەتێ  و پارلەمانێ کوردستانێ دا رێکبکەڤن، بۆ هەمى ئەگەرەکێ ، دێ شەر بیت، ئەگەر بۆ شەر چ بکەین و ئەگەر نەبوو چ کەین؟".